സിഡ്‌നി: ശ്രീകൃഷ്ണ ജയന്തിയോടനുബന്ധിച്ച് എല്ലാ വർഷവും നടക്കാറുള്ള ശോഭായാത്രക്ക് ഓസ്‌ട്രേലിയയിലെ മെൽബൺ ഒരുങ്ങുന്നു. ഈ മാസം ഒൻപതിന് വൈകിട്ട് 3 .30ന് മെൽബണിലെ പ്രശസ്തമായ ശിവ വിഷ്ണു ക്ഷേത്രത്തിലാണ് ശോഭായാത്ര നടക്കുന്നത്. ശോഭായാത്രയുടെ ഒരുക്കൽ പൂർത്തിയായതായി സംഘാടക സമിതി അറിയിച്ചു.
100 ൽ അധികം കുട്ടികൾ കൃഷ്ണ-രാധ വേഷങ്ങൾ അണിഞ്ഞ് ശോഭായാത്രയിൽ ഭാഗമാകും. താല മേന്തിയെ അമ്മമാരും മുത്തുക്കുടയും ചെണ്ട മേളവും ഭജനസംഘങ്ങളും ശോഭായാത്രക്ക് മിഴിവേകും. ശോഭായാത്രയിൽ എല്ലാ സനാതന ധർമ്മ വിശ്വാസികളും പങ്കെടുക്കണമെന്ന് ആഘോഷ സമിതി ഭാരവാഹികളായ റെജികുമാർ ,അഭിനേഷ്,സുകു,വിവേക്,രാകേഷ്,വിനീത്,തുടങ്ങിയവർ അഭ്യർത്ഥിച്ചു.
