ഇനി ട്രെയിനിൽ സീറ്റുകൾ ഒഴിവില്ലെന്ന് പറയേണ്ട; ഒഴിവുള്ള സീറ്റുകൾ എളുപ്പത്തിൽ കണ്ടെത്താനുള്ള മാർഗം ഇതാ..

യാത്രകൾ ഇഷ്ടപ്പെടുന്നവരാണ് നമ്മിൽ ബഹുഭൂരിപക്ഷവും. ട്രെയിൻ യാത്രകൾ തരുന്ന അനുഭൂതി വേറെ തന്നെയാണ്. എന്നാൽ പലപ്പോഴും ടിക്കറ്റ് ബുക്ക് ചെയ്യുമ്പോൾ സീറ്റുകൾ ഒഴിവുണ്ടോയെന്ന് മുൻകൂട്ടി അറിയാതെ പോകുന്നത് നാം നേരിടുന്ന പ്രശ്‌നങ്ങളിലൊന്നാണ്. ഇനി അത്തരം പ്രശ്‌നങ്ങൾ നമുക്ക് എളുപ്പത്തിൽ പരിഹരിക്കാം. അതിനായി ഈ കാര്യങ്ങൾ അറിഞ്ഞിരിക്കാം..

സ്റ്റെപ്പ് 1:

IRCTC വെബ്സൈറ്റിലേക്ക് പോകുക, പ്രധാന പേജിൽ, ബുക്ക് ടിക്കറ്റ് ബോക്സിന് മുകളിൽ, ചാർട്ടുകൾ/ഒഴിവ് (charts/ vacancy) എന്ന ഓപ്ഷൻ കാണുന്നതായിരിക്കും.

സ്റ്റെപ്പ് 2:

ചാർട്ടുകൾ/ ഒഴിവുകൾ എന്ന ഓപ്ഷൻ ക്ലിക്ക് ചെയ്താൽ Reservation chart എന്ന വേറെ ഒരു പേജ് തുറന്നു വരുന്നതായിരിക്കും.

സ്റ്റെപ്പ് 3:

ആദ്യത്തെ ബോക്‌സിൽ ട്രെയിനിന്റെ പേര്/നമ്പറും രണ്ടാമത്തെ ബോക്‌സിൽ ബോർഡിംഗ് സ്റ്റേഷനും നൽകുക.

സ്റ്റെപ്പ് 4:

തുടർന്ന് Get Train chart എന്ന ഓപ്ഷനിൽ ക്ലിക്ക് ചെയ്യുക. ഇതിൽ ഒഴിവുള്ള സീറ്റുകളുടെ വിശദാംശങ്ങൾ അടങ്ങിയ റിസർവേഷൻ ചാർട്ട് കാണുന്നതാണ്.

ഇതുപയോഗിച്ച് നിങ്ങൾക്ക് വിവിധ കോച്ചുകളിൽ ഇഷ്ടമുള്ള ബെർത്തുകൾ തിരഞ്ഞെടുക്കാനും ഒഴിവുള്ള സീറ്റുകൾ പ്രത്യേകം കണ്ടെത്താനും സാധിക്കും