കുറഞ്ഞ വിലയിലുള്ള ലാപ്ടോപ്പ് അവതരിപ്പിക്കാനൊരുങ്ങി ആപ്പിൾ. ഗൂഗിളിന്റെ ക്രോംബുക്കുകൾക്കും വിവിധ എൻട്രി ലെവൽ വിൻഡോസ് ലാപ്ടോപ്പുകൾക്കും ഈ ലാപ്ടോപ്പിന്റെ വരവ് ഭീഷണിയായേക്കും എന്നാണ് പുറത്തു വരുന്ന റിപ്പോർട്ടുകൾ. ആപ്പിളിന്റെ മാക്ബുക്ക് അടുത്ത വർഷം രണ്ടാം പകുതിയോടെ വിപണിയിലെത്തുമെന്നാണ് റിപ്പോർട്ട്.
ഫ്ളിപ്കാർട്ടിലും ആമസോണിലുമായി നിലവിൽ വിൽക്കുന്ന ക്രോംബുക്കുകളിൽ ഭൂരിഭാഗവും 30,000 രൂപയിൽ താഴെയുള്ളവയാണ്. കുറഞ്ഞ ബജറ്റിൽ ലാപ്ടോപ് വാങ്ങുന്നതിനായി ആഗ്രഹിക്കുന്നവരെയാണ് ക്രോംബുക്കിലൂടെ ലക്ഷ്യം വെയ്ക്കുന്നത്.
ആപ്പിൾ പുറത്തിറക്കാൻ ഉദ്ദേശിക്കുന്ന വില കുറഞ്ഞ ലാപ്ടോപ്പിന് 45,000 മുതൽ 60,000 രൂപ വരെ വില ആയേക്കാം എന്നാണ് റിപ്പോർട്ടുകൾ. ആപ്പിൾ നിലവിൽ 80,000 രൂപയോ അതിന് മുകളിലോ വിലയുള്ള ലാപ്ടോപ്പുകളാണ് വിൽക്കുന്നത്.
Comments