ആൻഡ്രോയിഡ് സ്മാർട്ട്ഫോണുകളും ഐ-ഫോണുകളും നടത്തുന്ന പോരാട്ടക്കളം മുറുകി കൊണ്ടിരിക്കുന്ന സാഹചര്യത്തിൽ കഴിഞ്ഞ ദിവസമാണ് ആപ്പിളിന്റെ ഐഫോൺ-15 വിപണിയിൽ അവതരിപ്പിച്ചത്. ഐഫോൺ 15, 15 പ്ലസ്, 15 പ്രോ, 15 പ്രോ മാക്സ് അൾട്രാ എന്നീ സീരീസുകളാണ് ഇപ്പോൾ വിപണിയിൽ അവതരിപ്പിച്ചിരിക്കുന്നത്. ഇതിനു പിന്നാലെയാണ് ജനപ്രീതിയിൽ മുന്നിൽ നിൽക്കുന്ന സാംസംഗ് ആപ്പിളിനെ പരിഹസിച്ച് രംഗത്തെത്തിയത്.
‘ ഈ പ്രാവശ്യം നമുക്ക് ആപ്പിൾ ഒരു സിപോർട്ട് കണക്ടിവിറ്റി എങ്കിലും ഫോണിന് കൊടുത്തതായി കാണാം. ഈ മാറ്റം അത്ഭുതകരമാണ്’ എന്ന രീതിയിലായിരുന്നു സാംസംഗ് എക്സിൽ കുറിച്ചത്. ഐ-ഫോൺ 15 പുതിയ വേർഷൻ അവതരിപ്പിച്ചതിന് ശേഷമായിരുന്നു സാംസംഗ് ഇത്തരമൊരു പരാമർശമായി രംഗത്തെത്തിയത്. ചുരുങ്ങിയ നിമിഷങ്ങൾ കൊണ്ട് നിരവധി ആളുകളാണ് കമ്പനിയെ പിന്തുണച്ചും വിമർശിച്ചും രംഗത്തു വന്നത്. കഴിഞ്ഞ വർഷങ്ങളിലും ആപ്പിളിനെ പരിഹസിച്ച് സാംസംഗ് എത്തിയിരുന്നു. പുതിയ ഫീച്ചേഴ്സ് ഉപയോക്താക്കൾക്ക് ആപ്പിൾ നൽകുന്നില്ലെന്നുള്ള തരത്തിലുള്ള വിമർശനങ്ങളാണ് സാംസംഗ് ഉന്നയിച്ചത്.
