തിരുവനന്തപുരം: ദളിത് കോൺഗ്രസ് ജില്ലാ പ്രസിഡന്റിന്റെ നേതൃത്വത്തിൽ 40 കുടുബംങ്ങൾ ബിജെപിയിൽ ചേർന്നു. തിരുവനന്തപുരം ജില്ലാ പ്രസിഡന്റ് പേരൂർക്കട രവിയുടെ നേതൃത്വത്തിലാണ് കുടുംബങ്ങൾ ബിജെപിയിൽ അംഗത്വമെടുത്തത്.
ജില്ലാ പ്രസിഡന്റ് പേരൂർക്കട രവി, വൈസ് പ്രസിഡന്റുമാരായ കൃഷ്ണകുമാർ, ജയപ്രകാശ്, വട്ടിയൂർക്കാവ് ബ്ലോക്ക് പ്രസിഡന്റ് സുരേന്ദ്രൻ, ജില്ലാ കമ്മറ്റിയംഗങ്ങളായ ആർ. കമലാമണി, വി.സിന്ധു, നെടുമങ്ങാട് സുനിൽകുമാർ, വട്ടിയൂർക്കാവ് ബ്ലോക്ക് പ്രസിഡന്റ് പേരൂർക്കട വാസന്തി, മഹിളാ കോൺഗ്രസ്സ് മുൻ ബ്ലോക്ക് പ്രസിഡന്റ് ജയശ്രീ, കിളിമാനൂർ ബ്ലോക്ക് പ്രസിഡന്റ് ചന്ദ്രിക, മുട്ടത്തറ ജയകുമാർ എന്നിവരാണ് ബിജെപിയിൽ ചേർന്നത്.
നരേന്ദ്രമോദി സർക്കാർ പട്ടികജാതി, പിന്നാക്ക വിഭാഗങ്ങൾക്ക് വേണ്ടി നടപ്പിലാക്കുന്ന ജനകീയ പദ്ധതികളിൽ ആകൃഷ്ടരായാണ് ബിജെപിയിൽ ചേർന്നത്. ഒപ്പം നാല് പതിറ്റാണ്ടായി കോൺഗ്രസിനും ദളിത് കോൺഗ്രസിനും വേണ്ടി പ്രവർത്തിക്കുന്ന തങ്ങളെ അവഗണിക്കുന്നതിൽ പ്രതിഷേധമുണ്ടെന്നും നേതാക്കൾ വ്യക്തമാക്കി.
തിരുവനന്തപുരം ടാഗോർ തീയേറ്റർ പരിസരത്ത് നടന്ന ചടങ്ങിൽ വച്ചാണ് ദളിത് കോൺഗ്രസ്സ് നേതാക്കൾ ബിജെപിയിൽ ചേർന്നത്.
വിദേശകാര്യ മന്ത്രി എസ്. ജയശങ്കറിനൊപ്പം വിശ്വകർമ ജയന്തി ദിനത്തിൽ സംഘടിപ്പിച്ച പിഎം വിശ്വകർമ പദ്ധതി പരിപാടിയിലും കുടുംബങ്ങൾ പങ്കെടുത്തു. നരേന്ദ്രമോദി സർക്കാരിന്റെ ജനക്ഷേമ പദ്ധതികൾ കൂടുതൽ ജനവിഭാഗങ്ങൾക്കിടയിൽ പ്രചരിക്കുന്നതോടെ ആയിരക്കണക്കിന് പിന്നാക്ക, പട്ടികജാതി വിഭാഗങ്ങൾ ബിജെപിയിലെത്തുമെന്ന് ജില്ലാ പ്രസിഡന്റ് വി.വി. രാജേഷ് പറഞ്ഞു.
