ഏറെ നാളത്തെ കാത്തിരിപ്പിനൊടുവിലാണ് ആപ്പിളിന്റെ ഏറ്റവും പുതിയ മോഡലായ ഐഫോൺ 15 പ്രോ മാക്സ് വിപണിയിൽ എത്തിയത്. ഐഫോണിന്റെ ഓരോ മോഡലും വിപണിയിൽ എത്തുന്നത് ഒരു താരപരിവേഷത്തോടെയാണ്. അത്തരത്തിൽ വൻ വരവേൽപ്പ് തന്നെയാണ് പുതിയ മോഡലിനും ലഭിച്ചിരിക്കുന്നത്. അതുകൊണ്ടുതന്നെ നമ്മുടെ സിനിമാ, കായിക മേഖലയിലെ താരങ്ങളെല്ലാം ഏറ്റവും ആദ്യം ഐഫോൺ സ്വന്തമാക്കുന്ന തിരക്കിലാണ്. ഏറ്റവും പുതിയ ഐഫോൺ സ്വന്തമാക്കിയ താരങ്ങൾ ആരൊക്കെയാണെന്ന് അറിയാം.
View this post on Instagram
ടെക്നോളജിയുടെ കാര്യത്തിൽ എന്നും അപ്ഡേറ്റഡായിരിക്കുന്ന താരമാണ് മെഗസ്റ്റാർ മമ്മൂട്ടി. ഇത്തവണയും അതിനു മാറ്റമൊന്നും സംഭവിച്ചിട്ടില്ല. പുതിയ ഐഫോൺ വിപണിയിൽ എത്തി ആദ്യ ദിവസം തന്നെ ഐഫോൺ 15 പ്രോ മാക്സ് മമ്മൂട്ടി സ്വന്തമാക്കി കഴിഞ്ഞു. കഴിഞ്ഞ വർഷം 14 പ്രോ മാക്സും വിപണിയിൽ എത്തിയ ഉടൻ തന്നെ മമ്മൂട്ടി സ്വന്തമാക്കിയിരുന്നു. അതിന്റെ ചിത്രങ്ങളും വൈറലായിരുന്നു.
View this post on Instagram
ജനപ്രിയ താരം ദിലീപും ഏറ്റവും പുതിയ മോഡൽ ഐഫോൺ 15 പ്രോ മാക്സ് സ്വന്തമാക്കിയവരുടെ കൂട്ടത്തിലുണ്ട്. ഐഫോൺ സ്വന്തമാക്കിയ സന്തോഷം ദിലീപും സമൂഹ മാദ്ധ്യമങ്ങൾ വഴി അറിയിച്ചിരുന്നു. തന്റെ പുതിയ ഫോണിന്റെ ചിത്രം നടൻ മാധവനും എക്സിൽ(ട്വിറ്റർ) ലൂടെ പങ്കുവെച്ചിരുന്നു.
Got it .Proud and thrilled to own the MADE IN INDIA IPHONE 15.. #MakeInIndia #iPhone15 🙏🙏🇮🇳🇮🇳🇮🇳 pic.twitter.com/DlnAeScLDt
— Ranganathan Madhavan (@ActorMadhavan) September 21, 2023
‘ഇന്ത്യയിൽ നിർമ്മിച്ച’ ഐഫോൺ സ്വന്തമാക്കിയതിലുള്ള അഭിമാനം പ്രകടിപ്പിച്ചുകൊണ്ടായിരുന്നു എക്സിൽ മാധവൻ പങ്കുവെച്ച കുറിപ്പ്. ഇവരെ കൂടാതെ ബോളിവുഡ് താരങ്ങളായ റിതേഷ് ദേശ്മുഖ്, രൺവീർ സിംഗ് തുടങ്ങിയ നിരവധി താരങ്ങളും ആദ്യദിനം തന്നെ ഐഫോൺ സ്വന്തമാക്കിയെന്നാണ് റിപ്പോർട്ട്.
