ഏഷ്യകപ്പിലെ ഫൈനല് തോല്വിക്ക് പിന്നാലെ ശ്രീലങ്കയ്ക്ക് വീണ്ടും തിരിച്ചടി. പരിക്കേറ്റ സൂപ്പര് താരം ലോകകപ്പ് ടീമില് നിന്ന് പുറത്തായി. സ്റ്റാര് സ്പിന്നര് വാനിന്ദു ഹസരങ്കയാണ് ടീമില് നിന്ന് പുറത്തായത്. പരിമിത ഓവര് ക്രിക്കറ്റില് ശ്രദ്ധ കേന്ദ്രീകരിക്കാന് അടുത്തിടെയാണ് താരം ടെസ്റ്റ് മതിയാക്കിയത്. പ്രമുഖ കായിക മാദ്ധ്യമമായ സ്പോട്സ് ഹവേഴ്സ് ആണ് വിവരം പുറത്തുവിട്ടത്.
ഐപിഎല്ലില് റോയല് ചലഞ്ചേഴ്സ് ബാംഗ്ലൂരിന്റെ താരമാണ് ശ്രീലങ്കന് ഓള്റൗണ്ടര്. നിശ്ചിത ഓവര് ക്രിക്കറ്റില് അദ്ദേഹം തകര്പ്പന് ഫോമിലായിരുന്ന താരം ഏഷ്യാ കപ്പിന് മുമ്പ് അവസാനിച്ച ലങ്കന് പ്രീമിയല് ലീഗില് പ്ലയര് ഓഫ് ദ ടൂര്ണമെന്റായിരുന്നു. ഇതില് ടോപ്പ് സ്കോററും താരമായിരുന്നു. ഫൈനല് മത്സരത്തിനാണ് താരത്തിന് പരിക്കേറ്റത്. ഏഷ്യാകപ്പ് നഷ്ടമായെങ്കിലും ലോകകപ്പില് കളിക്കാനാവുമെന്നാണ് താരം കരുതിയിരുന്നത്.
എന്നാല് ഇപ്പോള് താരത്തിന് ലോകപ്പും നഷ്ടമായേക്കുമെന്നാണ് വിവരം. ശ്രീലങ്ക ഇതുവരെ ലോകകപ്പ് സ്ക്വാഡ് പ്രഖ്യാപിച്ചിട്ടില്ല. ലോകകപ്പ് യോഗ്യത മത്സരങ്ങളിലും ഏറ്റവും അധികം വിക്കറ്റ് നേടിയത് ഹസരംഗയായിരുന്നു.ദുഷ്മന്ദ ചമീരയും മഹീഷ് തീക്ഷണയും പരിക്കിന്റെ പിടിയിലാണ്. ഇവര്ക്കൊപ്പം ദില്ഷന് മധുഷാനകയെയും ലാഹിരു കുമാരയെയും പരിക്ക് വലയ്ക്കുന്നുണ്ട്.