പൂർണ്ണമായും വൈദ്യുതീകരിച്ച WAG-12B ലോക്കോമോട്ടീവുകൾ ലോകത്തിലെ തന്നെ ശക്തമായ ചരക്ക് എഞ്ചിനുകളിൽ ഒന്നായി മാറിക്കഴിഞ്ഞു. ഇന്ത്യയിലെ ചരക്ക് ഗതാഗതത്തിൽ നിർണായക പങ്ക് ണഅഏ12ആ ലോക്കോമോട്ടീവുകൾ വഹിക്കുന്നുണ്ട്. ചരക്ക് ട്രെയിനുകൾ വളരെ വേഗത്തിൽ സഞ്ചരിക്കുന്നതിനും സുരക്ഷിതമായി നീങ്ങുന്നതിനും വേണ്ടിയാണ് ഇത്തരം ലോക്കോമോട്ടീവുകൾ രൂപകൽപ്പന ചെയ്തിരിക്കുന്നത്. ഇവയ്ക്ക് 12,000 എച്ച്പി വൈദ്യുതി ഉപയോഗിച്ച് മണിക്കൂറിൽ 120 കിലോമീറ്റർ വേഗതയിൽ വരെ സഞ്ചരിക്കാനാകും. ഏകദേശം 6,000 ടണ്ണിൽ കൂടുതൽ ചരക്കും വഹിക്കാനുള്ള ശേഷി ഈ ട്രെയിനുകൾക്കുണ്ട്.
WAG-9 ലോക്കോമോട്ടീവുകളെ അപേക്ഷിച്ച് ഇവ ഇരട്ടി ശക്തമായ ഇലക്ട്രിക് ലോക്കോമോട്ടീവുകളാണ്. ഇത് രാജ്യത്തെ തന്നെ ചരക്ക് ട്രെയിനുകളുടെ വേഗത ഇരട്ടിയാക്കുന്നതിന് സഹായിച്ചു. ട്രെയിനുമായ ബന്ധപ്പെട്ട വിവരങ്ങൾ കൃത്യമായി നിരീക്ഷിക്കുന്നതിനായി ഡിജിറ്റൽ സാങ്കേതിക വിദ്യകളും ഉപയോഗിച്ചിട്ടുണ്ട്. ഇത് ട്രെയിനിന്റെ നിലവിലുള്ള അവസ്ഥയെ കുറിച്ചും കടന്നു പോകുന്ന പാതിയിലെ അടിസ്ഥാന സൗകര്യങ്ങളെക്കുറിച്ചും കൃത്യമായ വിവരങ്ങൾ പങ്കുവെയ്ക്കുന്നു.
ഇതിന് പുറമേ അറ്റകുറ്റപ്പണികളും ചെലവുകളും കുറയ്ക്കുന്നതിനും സഹായിക്കുന്നു. ഈർപ്പം, പൊടിപടലങ്ങൾ, ഉയർന്ന താപനില എന്നിങ്ങനെയുള്ള പ്രതിസന്ധികൾ തിരിച്ചറിഞ്ഞ് പ്രവർത്തിക്കുന്നതിനായി പ്രത്യേക ഘടകങ്ങളും രൂപകൽപ്പന ചെയ്തിട്ടുണ്ട്. ഇത്തരം ട്രെയിനുകൾ അന്തരീക്ഷ മലിനീകരണം കുറയ്ക്കുന്നതിലും പ്രധാന പങ്കുവഹിക്കുന്നു. ഇവ പ്രാദേശിക വ്യവസായങ്ങൾക്കും വളരെ ഉപകാരപ്രദമാണ്.