ചന്ദ്ര ചാരുത ഒപ്പിയെടുത്ത ചന്ദ്രയാൻ 3-ഉം അർക്കനെ തൊട്ടറിയാൻ ഉയർന്നു പൊങ്ങിയ ആദിത്യ എൽ 1-ഉം ഭാരതത്തിന്റെ അഭിമാന ദൗത്യങ്ങളാണ്. ലോകം മുഴുവനും ഭാരതത്തെ ഉറ്റു നോക്കുമ്പോൾ അഭിമാന ദൗത്യങ്ങൾക്ക് നേതൃത്വം നൽകിയ ഐഎഎസ്ആർഒ ശാസ്ത്രജ്ഞരെ പോലെയാവാൻ ചില വിദ്യാർത്ഥികൾക്കെങ്കിലും ആഗ്രഹം തോന്നിയിട്ടുണ്ടാകും. ഈ വിദ്യാർത്ഥികളാണ് നാളെയുടെ വാഗ്ദാനങ്ങൾ. ഐഎസ്ആർഒയുടെ വിവിധ മേഖലകളിൽ ജോലി ചെയ്യാനായി ഏതൊക്കെ വിഷയങ്ങൾ തിരഞ്ഞെടുത്ത് പഠിക്കണം, എന്ത് കോഴ്സ് ചെയ്യണം തുടങ്ങിയ കാര്യങ്ങൾ വിശദമായി നോക്കാം..
കമ്പ്യൂട്ടർ സയൻസ്/ മെക്കാനിക്കൽ എഞ്ചിനീയറിംഗിൽ ബിരുദം
മെക്കാനിക്കൽ എഞ്ചിനീയറിംഗിലോ കമ്പ്യൂട്ടർ സയൻസിലോ ബിരുദമുള്ളവർക്ക് ഐഎസ്ആർഒയുടെ തൊഴിലവസരങ്ങളിലേക്ക് അപേക്ഷ അയക്കാവുന്നതാണ്. ഓട്ടോമൊബൈൽ, എയ്റോനോട്ടിക്കൽ (എയ്റോസ്പേസ്), മറൈൻ പ്രൊഡക്ഷൻ, തുടങ്ങി നിരവധി ശാഖകൾ മെക്കാനിക്കൽ എഞ്ചിനീയറിംഗിലുണ്ട്. ഇതു പഠിക്കുന്നവർക്ക് ഐഎസ്ആർഒയിൽ ജോലിക്കായി അപേക്ഷിക്കാം.
എയ്റോസ്പേസിൽ ബിരുദാനന്തര ബിരുദം
എയ്റോസ്പേസ് എഞ്ചിനീയറിംഗിൽ ബിരുദാനന്തര ബിരുദമോ, സാറ്റ്ലൈറ്റ് കമ്മ്യൂണിക്കേഷനിൽ എംടെക്കും ഉള്ളവർക്ക് ഐഎസ്ആർഒയിൽ വിവിധ മേഖലകളിലെ ജോലികൾക്കായി അപേക്ഷിക്കാം.
സ്പേസ് സയൻസ് ആൻഡ് ആസ്ട്രോഫിസിക്സ്
പ്രപഞ്ചത്തിലെ ചെറുതും വലുതുമായ കണങ്ങളെ കുറിച്ചു പഠിക്കാൻ സഹായിക്കുന്ന ഒരു കോഴ്സാണ് ആസ്ട്രോഫിസിക്സ്. ഐഐടി മദ്രാസ്, ഐഐഎസ്ടി തുടങ്ങിയ കോളേജുകളിൽ ആസ്ട്രോഫിസിക്സ് മികച്ച രീതിയിൽ പഠിക്കാം. ഈ കോഴ്സുകൾ പഠിച്ച് ഐഎസ്ആർഒയിൽ ജോലി ലഭിച്ചാൽ ജോലിയിലെ സ്ഥാനത്തിനനുസരിച്ച് പ്രതിവർഷം INR 6-15 ലക്ഷം വരെ ശമ്പളത്തോടു കൂടി തൊഴിൽ ചെയ്യാം.