ഡാർക്ക് വെബ് എന്നാൽ പലരുടേയും മുഖങ്ങളിൽ കാണാനാവുക പേടിയുടെ കരിനിഴൽ ആയിരിക്കും. സ്വകാര്യ വിവരങ്ങൾ പോലും ചോർന്നെത്തുന്ന ഒരു പ്ലാറ്റ്ഫോമാണ് ഡാർക്ക് വെബുകൾ. ആളുകളുടെ പേടി ഇല്ലാതാക്കുന്നതിലും ഡാർക്ക് വെബുകളിൽ നിന്നും സംരക്ഷണം നൽകുന്നതിനും വേണ്ടി ഗൂഗിൾ പുറത്തിറക്കിയ പുതിയ ഫീച്ചറാണ് ഗൂഗിൾ ഡാർക് വെബ് റിപ്പോർട്ട്.
ഇന്ത്യയിലടക്കം ഇപ്പോൾ ഈ ഫീച്ചർ ലഭ്യമാണ്. കുറഞ്ഞ ദിവസങ്ങൾക്കുള്ളിൽ തന്നെ ഇത് ലോകമെമ്പാടും എത്തിക്കുമെന്നാണ് സൂചന. ഒരു വ്യക്തിയുടെ സ്വകാര്യ വിവരങ്ങൾ ഡാർക്ക് വെബിൽ ഉൾപ്പെട്ടിട്ടുണ്ടോ എന്നറിയുന്നതിന് വേണ്ടിയാണ് ഗൂഗിൾ ഈ ഫീച്ചർ അവതരിപ്പിച്ചിരിക്കുന്നത്.
അതിനായി ആദ്യം ഡാർക്ക് വെബ് സ്കാൻ ചെയ്യണം. വിവരങ്ങൾ ഏന്തെങ്കിലും ഉൾപ്പെട്ടിട്ടുണ്ടെങ്കിൽ ഗൂഗിൾ മുന്നറിയിപ്പ് നൽകുകയും സ്വയം സംരക്ഷിക്കാനുള്ള നിർദേശങ്ങൾ നൽകുകയും ചെയും. എന്നാൽ ഗൂഗിൾ ഡാർക് വെബ് റിപ്പോർട്ട് ഉപയോഗിക്കുന്നതിന് ആദ്യം ഒരു അക്കൗണ്ടും പണമടച്ചുള്ള ഗൂഗിൾ വൺ അംഗത്വവും വേണം അതില്ലെങ്കിൽ ഈ മെയിൽ ഉപയോഗിച്ചും ഗൂഗിൾ ഡാർക് വെബ് റിപ്പോർട്ട് ഉപയോഗിക്കാം.
