പപ്പായ എന്ന കപ്പളങ്ങയെ അറിയാത്തവരുണ്ടാകില്ല. തൊടിയിൽ കിളി കൊത്തിയും പഴുത്ത് ചാടിയും നാം വെറുതെ പാഴാക്കുന്ന പപ്പായ. പോഷകഗുണങ്ങളുടെ കലവറയാണ് പപ്പായ. ഈ അനുഗ്രഹീത പഴത്തിന്റെ ഗുണങ്ങൾ അറിയാം..
1) രോഗപ്രതിരോധ ശേഷി വർദ്ധിപ്പിക്കുന്നതിൽ സുപ്രധാന പങ്ക് വഹിക്കാൻ പപ്പായയ്ക്ക് കഴിയുന്നു. വിറ്റാമിനുകൾ, ആന്റി ഓക്സിഡന്റുകൾ എന്നിവയാൽ സമ്പുഷ്ടമാണ് ഇത്.
2) ശ്വാസകോശത്തിന്റെ പ്രവർത്തനം മെച്ചപ്പെടുത്താനും ആസ്മ പോലുള്ള രോഗങ്ങളിൽ നിന്ന് രക്ഷതേടാനും പപ്പായ സഹായിക്കും.
3) എല്ലുകളെ ശക്തിപ്പെടുത്തുന്ന കാൽസ്യം, വിറ്റാമിൻ സി തുടങ്ങിയവ പപ്പായിൽ ധാരാളമടങ്ങിയിരിക്കുന്നു. കോശ വളർച്ചയ്ക്ക് സഹായിക്കുന്നതിനും പേശികൾക്ക് ബലം നൽകാനും ഇതിനാകും.
4) പപ്പെയ്ൻ എന്ന എൻസൈസം പപ്പായിൽ അടങ്ങിയിരിക്കുന്നു. ഇത് ദഹനത്തെ മെച്ചപ്പെടുത്തുന്നു.
5) പപ്പായയിൽ അടങ്ങിയിരിക്കുന്ന ആന്റി ഓക്സിഡന്റുകൾ ഹൃദ്രോഗ സാധ്യത കുറയ്ക്കുന്നു. രക്തസമ്മർദ്ദത്തിന്റെ അളവ് നിലനിർത്താൻ ഇതിലെ പൊട്ടാസ്യത്തിന് കഴിയുന്നു.
6) വേഗത്തിൽ മുറിവ് ഉണക്കാൻ പപ്പായയിലെ പപ്പെയ്ൻ എൻസൈം സഹായിക്കുന്നു
7) ബീറ്റാ കരോട്ടിൻ സമ്പുഷ്ടമാണ് പപ്പായ. അവ ശ്വാസകോശ, പ്രൊസ്റ്റേറ്റ് ക്യാൻസർ സാധ്യതകളെ കുറയ്ക്കാൻ സഹായിക്കുന്നു. ക്യാൻസറിന്റെ പ്രാരംഭഘട്ടത്തിൽ നിന്ന് കോശങ്ങളെ സഹായിക്കുന്ന ആന്റി ഓക്സിഡന്റുകളും പപ്പായയിൽ അടങ്ങിയിരിക്കുന്നു.
ഗുണങ്ങൾക്ക് പുറമേ നിരവധി പാർശ്വഫലങ്ങളും പപ്പായ നൽകുന്നുണ്ട്. ഗുണങ്ങൾക്കായി പപ്പായ കഴിക്കുമ്പോൾ ഈ ദോഷങ്ങൾ ബാധിക്കാതെ നോക്കേണ്ടതാണ്. ചില പാർശ്വഫലങ്ങൾ ഇതാ..
1) രക്തത്തിലെ പഞ്ചസാരയുടെ അളവ് കുറയാൻ അമിതമായി പപ്പായ കഴിക്കുന്നത് വഴി വെക്കും. രക്തസമ്മർദ്ദത്തിന്റെ അളവ് കുറയ്ക്കാനും പപ്പായ കാരണമാകും.
2) നാഡീവ്യവ്യവസ്ഥയെ ബാധിക്കാനും പപ്പായ ഇടയാക്കും. കാർപെയിൻ എന്ന രാസവസ്തുവാണ് ഇതിന് കാരണമാകുന്നത്.
3) പപ്പായ കഴിക്കുന്ന ചിലർക്ക് അലർജി അനുഭവപ്പെട്ടേക്കാം. പപ്പായ കഴിക്കുന്നതിന് പിന്നാലെ തിണർപ്പ്, ചൊറിച്ചിൽ തുടങ്ങിയവ അനുഭവപ്പെട്ടേക്കാം.
4) വയർ കത്തുന്ന പോലെ അനുഭവപ്പെടുന്ന അവസ്ഥയും പപ്പായ ഉണ്ടാക്കുന്നു. അമിതമായി പപ്പെയ്ൻ ശരീരത്തിലെത്തുമ്പോഴാണ് ഇത്തരം അവസ്ഥ അനുഭവപ്പെടുക.
5) കാലുകളിലും കൈപ്പത്തിയിലും മഞ്ഞ നിറത്തിനും പപ്പായ കാരണമാകുന്നു. കപ്പളങ്ങ അമിതമാകുന്നത് വഴി ശ്വാസതടസ്സം, ശ്വാസംമുട്ടൽ, വിട്ടുമാറാത്ത മൂക്കൊലിപ്പ്, പനി, എന്നിവ ഉൾപ്പെടെ വിവിധ ശ്വാസകോശ സംബന്ധമായ രോഗങ്ങൾ വരാനുള്ള സാധ്യതയേറെയാണ്.
