സ്മാർട്ട് ഹോം, ചെറുകിട ബിസിനസ് സേവനങ്ങൾ എന്നിവ ലക്ഷ്യം വെച്ച് പ്ലൂമിന്റെ ക്ലൗഡ് പ്ലാറ്റ്ഫോമുമായി പങ്കാളിത്തം പ്രഖ്യാപിച്ച് ജിയോ. രാജ്യത്തുടനീളമുള്ള വരിക്കാർക്ക് മികച്ച സേവനം ഉറപ്പുവരുത്തുന്നതിനാണ് പുതിയ നീക്കം. പ്ലൂമിന്റെ ഏറ്റവും മികച്ച ക്ലൗഡ് പ്ലാറ്റ്ഫോമിലൂടെ രാജ്യത്തെ ഏകദേശം 200 ദശലക്ഷം സ്ഥലങ്ങളിൽ ജിയോയുടെ അത്യാധുനിക സേവനങ്ങൾ എത്തിക്കുക എന്നതാണ് ലക്ഷ്യം വെക്കുന്നത്.
ക്ലൗഡ് ടെക്നോളജി മുഖേന ഫിക്സഡ്-ലൈൻ വയർലെസ് സേവനങ്ങൾ വാഗ്ദാനം ചെയ്യുന്നതിലൂടെ രാജ്യത്ത് എല്ലായിടങ്ങളിലും അടിസ്ഥാന സൗകര്യം എത്തിക്കുക എന്നതിലാണ് ജിയോ ശ്രദ്ധ കേന്ദ്രീകരിക്കുന്നത്. ഉപയോക്താക്കളുടെ ഡിജിറ്റൽ ആവശ്യങ്ങൾ പരിഹരിക്കുക എന്നതാണ് ജിയോ ഇതിലൂടെ പ്രാധാന്യം നൽകുന്നത്.
പുതിയ പങ്കാളിത്തം നിലവിൽ വരുന്നതോടെ പ്ലൂമിന്റെ എഐ സംവിധാനങ്ങൾ ഏറെ പ്രയോജനകരമാകും എന്നാണ് വിലയിരുത്തൽ. ഇതിൽ ഹോൾ-ഹോം അഡാപ്റ്റീവ് വൈഫൈ, കണക്ട് ചെയ്ത ഉപകരണം നന്നായി പ്രവർത്തിക്കുക, സൈബർ ഭീഷണികളിൽ നിന്നുമുള്ള സംരക്ഷണം, വൈഫൈ മോഷൻ സെൻസിംഗ് എന്നിങ്ങനെ നിരവധി സംവിധാനങ്ങൾ ഇവയിൽ ഉൾപ്പെടുന്നു.
