ഹൈദരാബാദ്; തെലങ്കാനയിലെ കോൺഗ്രസ് സ്ഥാനാർത്ഥി പി. ശ്രീനിവാസ് റെഡ്ഡിയുടെ വസതിയിൽ ആദായനികുതി വകുപ്പിന്റെ റെയ്ഡ്. നവംബർ 30ന് തെലങ്കാന നിയമസഭാ തിരഞ്ഞെടുപ്പ് നടക്കാനിരിക്കെയാണ് ശ്രീനിവാസ് റെഡ്ഡിയുടെ വീട്ടിലും ഓഫിസുകളിലുമായി ആദായ നികുതി വകുപ്പിന്റെ പരിശോധന നടത്തുന്നത്.
ഖമ്മം ജില്ലയിലെ പാലയർ നിയമസഭാ മണ്ഡലത്തിൽ നിന്നാണ് ശ്രീനിവാസ് റെഡ്ഡി മത്സരിക്കുന്നത്. ഇവിടുത്തെ ഓഫീസിലും ആദായനികുതി വകുപ്പ് ഉദ്യോഗസ്ഥർ പരിശോധന നടത്തുന്നുണ്ടെന്നാണ് പുറത്തുവരുന്ന വിവരം. ഇന്ന് അദ്ദേഹം നിയമസഭാ തിരഞ്ഞെടുപ്പിനുള്ള നാമനിർദേശ പത്രിക സമർപ്പിക്കേണ്ടതായിരുന്നു.
