ന്യൂഡൽഹി: 2021-2022 കാലയളവിലെ സംസ്ഥാനങ്ങളുടെ കടമെടുപ്പിൽ കേരളം മുന്നിൽ. ഡൽഹിയിലെ സ്വതന്ത്ര ഗവേഷണ സ്ഥാപനമായ പിആർഎസ് ലെജിസ്ലേറ്റീവിന്റെ റിപ്പോർട്ടിലാണ് ഇക്കാര്യം പറയുന്നത്. കേരളത്തിനൊപ്പം ആന്ധ്രാപ്രദേശും തെലങ്കാനയും കടമെടുപ്പിൽ മുൻപന്തിയിലുണ്ട്.
അടിസ്ഥാന സൗകര്യ വികസനത്തിനായി പൊതു ഏജൻസികൾ വഴി ബോണ്ടുകളിലൂടെ സർക്കാർ സമാഹരിക്കുന്ന തുകയാണ് ബജറ്റ് ഇതര കടമെടുപ്പ്. കേരളം കിഫ്ബി വഴി കടമെടുക്കുന്നതും ഇതിൽ ഉൾപ്പെടും.
എന്നാൽ 2022 മാർച്ചിൽ കേന്ദ്രം സംസ്ഥാനങ്ങളുടെ ബജറ്റ് ഇതരകടമെടുപ്പ്, സംസ്ഥാനങ്ങളുടെ കടമെടുപ്പ് പരിധിയിൽ ഉൾപ്പെടുത്തിയിരുന്നു. ഈ സാഹചര്യത്തിൽ ബജറ്റ് ഇതര കടമെടുപ്പിൽ കാര്യമായ കുറവ് വന്നതായും റിപ്പോർട്ടിൽ ചൂണ്ടികാണിക്കുന്നുണ്ട്.
