ഏകദിന ലോകകപ്പിൽ ന്യൂസിലൻഡിനെതിരെ 70 റൺസിന് ഇന്ത്യ തകർപ്പൻ വിജയം സ്വന്തമാക്കിയത് രാജ്യത്തെ ഓരോ ക്രിക്കറ്റ് പ്രേമികളും ആഘോഷമാക്കുകയാണ്. ഒരു മത്സരം പോലും പരാജയപ്പെടാതെ ഇന്ത്യൻ ടീമിന്റെ ജൈത്രയാത്ര ഫൈനലിൽ എത്തി നിൽക്കുന്ന ഈ സമയത്ത് ഇന്ത്യൻ ടീമിന്റെ വിജയത്തിൽ പങ്കുച്ചേർന്നിരിക്കുകയാണ് ഡൽഹി പോലീസും. നർമ്മം കലർന്ന ഒരു പോസ്റ്റാണ് ഡൽഹി പോലീസിന്റെ ട്വിറ്റർ ഹാൻഡിൽ ഇന്ത്യൻ ടീമിന്റെ വിജയത്തിന് ശേഷം പ്രത്യക്ഷപ്പെട്ടത്.
ഷമിയുടെ മിന്നും പ്രകടനത്തിന് പിന്നാലെ ഡൽഹി പോലീസിന്റെ പോസ്റ്റ് വൈറലായി. ‘ഇന്നലെ നടന്ന ആക്രമണത്തിൽ നിങ്ങൾ മുഹമ്മദ് ഷമിയെ പ്രതി ചേർത്തിട്ടില്ലെന്ന് പ്രതീക്ഷിക്കുന്നു’. എന്നായിരുന്നു പോസ്റ്റ്. ന്യൂസിലൻഡിനെതിരെ 7 വിക്കറ്റുകൾ സ്വന്തമാക്കിയ മുഹമ്മദ് ഷമിയുടെ ചിത്രവും ഡൽഹി പോലീസ് പങ്കുവച്ചിട്ടുണ്ട്. തൊട്ടുപിന്നാലെ കുറിക്ക് കൊള്ളുന്ന മറുപടിയുമായി മുംബൈ പോലീസും രംഗത്ത്.
.@MumbaiPolice hope you do not book @MdShami11 for the tonight’s assault.#INDvsNZ#CWC2023#Shami pic.twitter.com/ehJ0IrW7zD
— Delhi Police (@DelhiPolice) November 15, 2023
“>
‘ആക്രമണത്തിന് മാത്രമല്ല, നിരവധി പേരുടെ ഹൃദയം കൊള്ളയടിച്ചിട്ടുമുണ്ട്, അവ ചാർജ് ചെയ്യണ്ടെ? ഷമിയുടെ കൂടെയുള്ള മറ്റ് രണ്ട് കുറ്റവാളികളെയും നിങ്ങൾ വിട്ടുപോയി’ എന്നായിരുന്നു മുംബൈ പോലിസിന്റെ മറുപടി. മുംബൈ പോലീസിന്റെ പോസ്റ്റ് കൂടെ പ്രത്യക്ഷപ്പെട്ടപ്പോൾ ക്രിക്കറ്റ് പ്രേമികൾ അത് ആഘോഷമാക്കി. പിന്നീട് ജനങ്ങൾക്കുള്ള മറുപടിയായിട്ടാണ് അധികൃതർ രംഗത്തെത്തിയത്. എല്ലാ ആളുകളും ഡൽഹി പോലീസിന്റെയും മുംബൈ പോലീസിന്റെയും ഈ പോസ്റ്റുകൾ തമാശയായി കാണണമെന്നായിരുന്നു അധികൃതർ അറിയിച്ചത്.
You missed pressing charges of stealing innumerable hearts @DelhiPolice and listing a couple of co-accused too😂
P.S.: Dear citizens, both the departments know the IPC thoroughly and trust you for a great sense of humour 😊 https://t.co/TDnqHuvTZj
— मुंबई पोलीस – Mumbai Police (@MumbaiPolice) November 15, 2023
“>
ഇന്നലെ മുബൈയിലെ വാങ്കഡെ സ്റ്റേഡിയത്തിൽ പിറന്നത് മറ്റൊരു ചരിത്ര മുഹൂർത്തമായിരുന്നു. ഏകദിന സെഞ്ച്വറികളിൽ 50 തികച്ച കോലിയും, ശ്രേയസ് അയ്യരും മറ്റു താരങ്ങളും പടുത്തുയർത്തിയ കൂറ്റൻ സ്‌കോർ ന്യൂസിലൻഡ് മറിക്കടക്കാൻ ശ്രമിച്ചങ്കെിലും ഷമിയുടെ തീ നിറച്ച പന്തുകൾക്ക് മുന്നിൽ കിവീസിന് മുട്ടുക്കുത്തേണ്ടി വന്നു.
