ലോകകപ്പ് ഫൈനലില് ഓസ്ട്രേലിയക്ക് മുന്നില് താരതമ്യേന ചെറിയ സ്കോറാണ് ഇന്ത്യ ഉയര്ത്തിയത്. എന്നാല് മറുപടി ഇന്നിംഗ്സില് ഇന്ത്യ ശക്തമായ രീതിയിലാണ് തിരിച്ചടിക്കുന്നത് ഓസ്ട്രേലിയയുടെ മൂന്ന് വിക്കറ്റുകളാണ് പിഴുതത്.
അതേസമയം ലോകകപ്പ് ഫൈനല് ചരിത്രത്തിലെ കഴിഞ്ഞ കുറെ വര്ഷങ്ങളെടുത്താല് ആദ്യം ബൗള് ചെയ്യുന്ന ടീമിനെ അപേക്ഷിച്ച് ആദ്യ ബാറ്റ് ചെയ്ത ടീം ഏഴു തവണ വിജയിച്ചിട്ടുണ്ട്. കുറഞ്ഞ സ്കോര് നേടി അതിനെ പ്രതിരോധിച്ച് കിരീടം ചൂടിയതില് ഇന്ത്യയാണ് മുന്നില്. 1983-ല് 183 റണ്സ് നേടിയ ഇന്ത്യ കരുത്തരായ വിന്ഡീസിനെ 140 റണ്സിന് പുറത്താക്കി കപ്പുയര്ത്തിയിരുന്നു.
രണ്ടാമത്തെ ചെറിയ ടോട്ടല് പ്രതിരോധിച്ച് കപ്പുയര്ത്തിയത് പാകിസ്താനാണ്. 1992-ലെ ഫൈനലില് 249 റണ്സിന്റെ വിജലക്ഷ്യം തേടിയിറങ്ങിയ ഇംഗ്ലണ്ടിന് 227 റണ്സെടുക്കാനെ കഴിഞ്ഞുള്ളു. പാകിസ്താന് 22 റണ്സിന്റെ വിജയം.
ലോകകപ്പ് ഫൈനലില് മൂന്ന് തവണ ചേസ് ചെയ്തിട്ടുള്ള ഓസ്ട്രേലിയ രണ്ടു തവണ ജയിച്ചപ്പോള് ഒരു തവണ തോറ്റു. അത് 1975ല് ലോകപ്പിന്റെ ആദ്യ എഡിഷനിലെ ഫൈനിലായിരുന്നു. 17 റണ്സിന്റെ തോല്വിയാണ് വിന്ഡീസിനെതിരെ ഓസ്ട്രേലിയ വഴങ്ങിയത്.
