‘വസുധൈവ കുടുംബകം’; അന്താരാഷ്‌ട്ര ചലച്ചിത്രമേളയ്‌ക്ക് ഗോവയില്‍ തിരി തെളിഞ്ഞു; ഉദ്ഘാടന ചിത്രമായി ‘ക്യാച്ചിംഗ് ഡസ്റ്റ്’

പനാജി: 54-ാമത് അന്താരാഷ്‌ട്ര ചലച്ചിത്രമേളയ്‌ക്ക് താരപ്രഭയില്‍ തിരിതെളിഞ്ഞു. നവംബര്‍ 20 മുതല്‍ 28 വരെ ഗോവയില്‍ നടക്കുന്ന മേളയുടെ ഉദ്ഘാടനം കേന്ദ്ര വാര്‍ത്താവിതരണമന്ത്രി അനുരാഗ് ഠാക്കൂറും കേന്ദ്ര വാര്‍ത്താ വിനിമയ സഹമന്ത്രി എല്‍. മുരുകനും ചേര്‍ന്ന് ദീപം തെളിച്ച് നിര്‍വഹിച്ചു.

തിങ്കളാഴ്ച വൈകിട്ട് ശ്യാമപ്രസാദ് മുഖര്‍ജി സ്റ്റേഡിയത്തില്‍ നടന്ന ചടങ്ങില്‍ ‘വസുധൈവ കുടുംബകം’ എന്ന ആശയത്തിലൂന്നിയതാണ് അന്താരാഷ്‌ട്ര ചലച്ചിത്രമേളയെന്ന് അനുരാഗ് ഠാക്കൂര്‍ പറഞ്ഞു. ബ്രിട്ടനില്‍ നിന്നുള്ള ‘ക്യാച്ചിംഗ് ഡസ്റ്റ്’ ആയിരുന്നു ഉദ്ഘാടന ചിത്രം.

അഭിനേതാക്കളായ മാധുരി ദീക്ഷിത്, വിജയ് സേതുപതി, പങ്കജ് ത്രിപാഠി, സണ്ണി ഡിയോള്‍, സാറ അലിഖാന്‍, ഷാഹിദ് കപൂര്‍, നിര്‍മാതാവും സംവിധായകനുമായ കരണ്‍ ജോഹര്‍, സംഗീത സംവിധായകന്‍ ശന്തനു മൊയ്ത്ര, ഗായകരായ ശ്രേയ ഘോഷാല്‍, സുഖ് വീന്ദര്‍ സിങ് തുടങ്ങിയവര്‍ ചടങ്ങില്‍ പങ്കെടുത്തു.

സത്യജിത്ത് റേ ലൈഫ് ടൈം അച്ചീവ്‌മെന്റ് പുരസ്‌കാരം ഹോളിവുഡ് നടനും നിര്‍മാതാവുമായ മൈക്കിള്‍ ഡഗ്ലസിനു സമ്മാനിച്ചു. ഇന്ത്യന്‍ സിനിമയ്‌ക്ക് നല്‍കിയ സംഭാവനകള്‍ പരിഗണിച്ച് നടി മാധുരി ദീക്ഷിത്തിന് പ്രത്യേക പുരസ്‌കാരം നല്‍കി ആദരിച്ചു.

Union Minister @ianuragthakur along with MoS @Murugan_MoS, CM Goa @DrPramodPSawant, and other dignitaries started the 54th #IFFI festivities by lighting the lamp. @IFFIGoa @nfdcindia @esg_goa @MIB_India#IFFI54 #iffigoa #IFFI2023 #IFFIWithDD pic.twitter.com/NguCcdsOXV

— DD News (@DDNewslive) November 20, 2023

“>