ശരീരത്തിന് പ്രതിരോധശേഷി വർദ്ധിപ്പിക്കാൻ സഹായിക്കുന്ന ഒന്നാണ് വിറ്റാമിൻ ഡി. എന്നാലിന്ന് വിറ്റാമിൻ ഡിയുടെ അപര്യാപ്തത മൂലം പലർക്കും നിരവധി ആരോഗ്യ പ്രശന്ങ്ങളുണ്ടാകാറുണ്ട്. അടുത്തിടെ പുറത്തുവന്ന റിപ്പോർട്ട് പ്രകാരം രാജ്യത്ത് 76 ശതമാനം പേരിൽ ഈ പ്രശ്നം കണ്ടുവരുന്നു. ഉറക്കമില്ലായ്മ, ക്ഷീണം, കൈയ്ക്കും കാലിനും കടുത്ത വേദന, തളർച്ച, പേശി ബലഹീനത, മുടികൊഴിച്ചിൽ എന്നിവയാണ് പ്രധാന ലക്ഷണങ്ങൾ. ഈ പ്രശ്നങ്ങൾ പരിഹരിക്കണമെങ്കിൽ വിറ്റാമിൻ ഡി അടങ്ങിയ ഭക്ഷണപദാർത്ഥങ്ങൾ കഴിക്കേണ്ടതുണ്ട്. അവ ഏതൊക്കെയെന്ന് നോക്കാം…
മത്സ്യം
വിറ്റാമിൻ ഡി വർദ്ധിപ്പിക്കാൻ പ്രധാനമായും കഴിക്കേണ്ട ഒന്നാണ് മത്സ്യം. മത്സ്യത്തിൽ ധാരാളം വിറ്റാമിൻ അടങ്ങിയിട്ടുണ്ട്. അതിൽ എടുത്തു പറയേണ്ടതാണ് കൊഴുപ്പ് കൂടുതലായി അടങ്ങിയിട്ടുള്ള മത്സ്യങ്ങൾ. വിറ്റാമിൻ ഡിയുടെ ഉറവിടമാണ് സാൽമൺ പോലെയുള്ള ഫാറ്റി ഫിഷ്. അത്തരത്തിലുള്ള മത്സ്യങ്ങൾ കഴിക്കുന്നത് നല്ലതാണ്.
മുട്ട
ആരോഗ്യത്തിന് എന്നും അത്യുത്തമമാണ് മുട്ട കഴിക്കുന്നത്. മുട്ടയുടെ മഞ്ഞയിലാണ് വിറ്റാമിൻ ഡി അടങ്ങിയിട്ടുള്ളത്. ദിവസേന രാവിലെ മുട്ട കഴിക്കുന്നതിലൂടെ വിറ്റാമിൻ ഡി വർദ്ധിപ്പിക്കാൻ സാധിക്കും.
പച്ചക്കറികൾ
എല്ലാത്തരം പച്ചക്കറികളും പ്രത്യേകിച്ചും ഇലക്കറികൾ കഴിക്കുന്നതിലൂടെ വിറ്റാമിൻ ഡി വർദ്ധിക്കും. വിറ്റാമിന് ഡി കുറവുള്ളവർ എല്ലാ ദിവസവും പച്ചക്കറികൾ ഭക്ഷണത്തിൽ ഉൾപ്പെടുത്താൻ ശ്രദ്ധിക്കേണ്ടതുണ്ട്.
ഓറഞ്ച് ജ്യൂസ്
വിറ്റാമിൻ ഏറ്റവും കൂടുതൽ അടങ്ങിയിരിക്കുന്ന പഴവർഗങ്ങളിലൊന്നാണ് ഓറഞ്ച്. അതുകൊണ്ട് തന്നെ എല്ലാ ദിവസവും ഓറഞ്ച് ജ്യൂസ് കഴിക്കുന്നത് വിറ്റാമിൻ ഡി വർദ്ധിപ്പിക്കാൻ സഹായിക്കുന്നു.
പാലുൽപന്നങ്ങൾ
വിറ്റാമിൻ ഡിയുടെ കലവറയാണ് പാലുൽപ്പന്നങ്ങൾ. പാൽ, തൈര്, ബട്ടർ, ചീസ് തുടങ്ങിയ പാലുൽപന്നങ്ങളിൽ നിന്നും ശരീരത്തിന് ആവശ്യമായ വിറ്റാമിൻ ഡി ലഭിക്കും. ബദാം പാൽ, സോയാ മിൽക്ക് തുടങ്ങിയവ ഡയറ്റിൽ ഉൾപ്പെടുത്തുന്നതും ശരീരത്തിൽ വിറ്റാമിൻ ഡി ലഭിക്കാൻ സഹായിക്കും.
കൂൺ
കൂണിൽ വിറ്റാമിൻ ഡി ധാരാളം അടങ്ങിയിട്ടുണ്ട്. അതിനാൽ കൂൺ കറിയായിട്ടോ സൂപ്പായിട്ടോ കഴിക്കുന്നതിലൂടെ വിറ്റാമിൻ ഡി വർദ്ധിപ്പിക്കാൻ സഹായിക്കും. വിറ്റാമിൻ ഡി കുറവുള്ളവർക്ക് തണുപ്പുകാലങ്ങളിൽ കഴിക്കാൻ പറ്റിയ ഭക്ഷണപദാർത്ഥമാണ് കൂൺ.