ലണ്ടൻ: ജൂതവിരുദ്ധത എന്ന കാര്യത്തെ എല്ലാ അർത്ഥത്തിലും ശക്തമായി അപലപിക്കുകയാണെന്ന് ബ്രിട്ടീഷ് പ്രധാനമന്ത്രി ഋഷി സുനക്. എക്‌സിൽ പ്രത്യക്ഷപ്പെട്ട ജൂത വിരുദ്ധ പരാമർശം ഇലോൺ മസ്‌ക് പിന്തുണച്ചതിനെതിരെ വ്യാപക പ്രതിഷേധം ഉയർന്നിരുന്നു. ഈ വിഷയത്തിലാണ് ഋഷി സുനകും പ്രതികരണവുമായി രംഗത്തെത്തിയത്. താൻ സംസാരിച്ചിട്ടുള്ള ഓരോ വ്യക്തിയും ഓരോ സമയത്തും എന്താണ് പറഞ്ഞു കൊണ്ടിരിക്കുന്നത് എന്ന് സൂക്ഷ്മമായി പരിശോധിക്കാൻ താത്പര്യപ്പെടാറില്ലെന്നും മസ്‌ക് പറഞ്ഞു.
ജൂത വിരുദ്ധത എന്ന പദത്തെ തന്നെ വളരെയധികം വെറുക്കുകയാണ്. നിങ്ങൾ ഇലോൺ മസ്‌ക് ആണോ, അല്ലെങ്കിൽ തെരുവിൽ കിടക്കുന്ന ഒരാളാണോ എന്നതല്ല പ്രശ്‌നം. ഒരു വിഭാഗത്തെ അധിക്ഷേപിക്കുന്നത് എല്ലാ അർത്ഥത്തിലും തെറ്റാണ്. അതുകൊണ്ട് തന്നെ ജൂതവിരുദ്ധത ഏത് രീതിയിൽ നോക്കിയാലും പൂർണമായും തെറ്റായ ഒരു കാര്യമാണെന്നും ഋഷി സുനക് പറഞ്ഞു.
ജൂതന്മാരാണ് വെള്ളക്കാർക്കെതിരെ വിദ്വേഷം വളർത്തുന്നത് എന്ന രീതിയിൽ എക്‌സിൽ പ്രത്യക്ഷപ്പെട്ട പോസ്റ്റ് മസ്‌ക് പിന്തുണച്ചിരുന്നു. പിന്നാലെ അമേരിക്കൻ പ്രസിഡന്റ് ജോ ബൈഡൻ ഉൾപ്പെടെ ഉള്ളവർ മസ്‌കിനെതിരെ വിമർശനവുമായി രംഗത്തെത്തിയിരുന്നു. ജൂതവിരുദ്ധത വിംശീയ വിദ്വേഷമാണെന്നും, ഇത്തരം പരാമർശങ്ങളെ ഒരു രീതിയിലും അംഗീകരിക്കാനാകില്ലെന്നുമാണ് ബൈഡൻ പറഞ്ഞത്.
