ചെന്നൈ: ബംഗാൾ ഉൾക്കടലിൽ രൂപം കൊണ്ട മിഷോംഗ് ചുഴലിക്കാറ്റിന്റെ പശ്ചാത്തലത്തിൽ കേരളത്തിലെ 35 ട്രെയിനുകൾ റദ്ദാക്കി. കേരളത്തിൽ നിന്ന് മറ്റ് സംസ്ഥാനങ്ങളിലേക്ക് പോകുന്നതും തിരികെ വരുന്നതുമായ ട്രെയിനുകളാണ് റദ്ദാക്കിയത്. നേരത്തെ ടിക്കറ്റ് ബുക്ക് ചെയ്തവർക്ക് തുക തിരികെ നൽകുമെന്ന് ഇന്ത്യൻ റെയിൽവേ അറിയിച്ചു.
മിഷോംഗ് ചുഴലിക്കാറ്റ് ഇന്ന് കര തൊടുമെന്നാണ് കാലാവസ്ഥാ പ്രവചനം. മണിക്കൂറിൽ 100 കിലോമീറ്റർ വരെ വേഗതയിൽ കാറ്റ് വീശാൻ സാധ്യതയുണ്ടെന്ന് കലാവാസ്ഥാ നിരീക്ഷണ കേന്ദ്രം അറിയിച്ചു. തമിഴ്‌നാട്ടിലും 118 ട്രെയിനുകൾ റദ്ദാക്കിയിട്ടുണ്ട്. ഡിസംബർ മൂന്ന് മുതൽ ആറ് വരെയുള്ള ദീർഘദൂര ട്രെയിനുകളുൾപ്പെടെയാണ് റദ്ദാക്കിയത്.
തമിഴ്‌നാട്ടിൽ നെല്ലൂരിനും മച്ചിലിപട്ടണത്തിനുമിടയിലാണ് മിഷോംഗ് കര തൊടുന്നത്. തമിഴ്‌നാട്, ആന്ധ്രാപ്രദേശ്, ഒഡിഷ, പുതുച്ചേരി എന്നിവിടങ്ങളിൽ ദേശീയ ദുരന്ത നിവാരണ സേനയുടെ 18 സംഘങ്ങളെ വിന്യസിച്ചിട്ടുണ്ട്.
റദ്ദാക്കിയ ട്രെയിനുകൾ-
നരസാപൂർ-കോട്ടയം (07119, ഞായർ), കോട്ടയം-നരസാപൂർ (07120, തിങ്കൾ).
സെക്കന്തരാബാദ്-കൊല്ലം (07129, ബുധൻ), കൊല്ലം-സെക്കന്തരാബാദ് (07130, ഞായർ).
ഗോരഖ്പൂർ-കൊച്ചുവേളി (12511, ചൊവ്വ), കൊച്ചുവേളി-ഗോരഖ്പൂർ (12512, ബുധൻ).
തിരുവനന്തപുരം-ന്യൂഡൽഹി (12625, ഞായർ), തിരുവനന്തപുരം-ന്യൂഡൽഹി (12625, തിങ്കൾ).
ന്യൂഡൽഹി-തിരുവനന്തപുരം (12626, ചൊവ്വ), ന്യൂഡൽഹി -തിരുവനന്തപുരം (12626, ബുധൻ).
നാഗർകോവിൽ-ഷാലിമാർ (12659, ഞായർ), ഷാലിമാർ-നാഗർകോവിൽ(12660, ബുധൻ).
ധൻബാദ്-ആലപ്പുഴ (13351, ഞായർ), ധൻബാദ് -ആലപ്പുഴ (13351, തിങ്കൾ).
ആലപ്പുഴ-ധൻബാദ് (13352, ബുധൻ), ആലപ്പുഴ–ധൻബാദ് (13352, വ്യാഴം)
സെക്കന്തരാബാദ്-തിരുവനന്തപുരം (17230, ഞായർ), സെക്കന്തരാബാദ്-തിരുവനന്തപുരം (17230, തിങ്കൾ).
സെക്കന്തരാബാദ് -തിരുവനന്തപുരം (17230, ചൊവ്വ), തിരുവനന്തപുരം-സെക്കന്തരാബാദ് (17229, ചൊവ്വ).
തിരുവനന്തപുരം-സെക്കന്തരാബാദ് (17229, ബുധൻ), തിരുവനന്തപുരം-സെക്കന്തരാബാദ് ( 17229, വ്യാഴം).
ടാറ്റ- എറണാകുളം (18189, ഞായർ), എറണാകുളം-ടാറ്റ (18190, ചൊവ്വ).
കന്യാകുമാരി-ദിബ്രുഗഡ് (22503, ബുധൻ), കന്യാകുമാരി-ദിബ്രുഗഡ് (22503, വ്യാഴം).
എറണാകുളം-പട്‌ന (22643, തിങ്കൾ), പട്‌ന-എറണാകുളം (22644, വ്യാഴം).
കൊച്ചുവേളി-കോർബ (22648, തിങ്കൾ), കോർബ-കൊച്ചുവേളി (22647, ബുധൻ).
പട്‌ന-എറണാകുളം (22670, ചൊവ്വ)
ബിലാസ്പൂർ-എറണാകുളം (22815, തിങ്കൾ), എറണാകുളം-ബിലാസ്പൂർ (22816, ബുധൻ).
ഹാതിയ- എറണാകുളം (22837, തിങ്കൾ), എറണാകുളം-ഹാതിയ (22838, ബുധൻ).
