അഞ്ചുവര്‍ഷത്തെ കാത്തിരിപ്പ്..! അതിര്‍ത്തി കടന്ന പ്രണയത്തിന് സാഫല്യം; ഇന്ത്യന്‍ വരന് വേണ്ടി പാകിസ്താന്‍ യുവതിയെത്തി

അതിര്‍ത്തി കടന്നൊരു പ്രണയവും അത് വിവാഹത്തിലേക്ക് എത്തുന്നൊരു വാര്‍ത്തയുമാണ് സോഷ്യല്‍ മീഡിയയില്‍ വൈറലായത്. അതില്‍ നായകന്‍ ഇന്ത്യക്കാരനും നായിക പാകിസ്താനിയുമാണ്. പഞ്ചാബ് പ്രവിശ്യയില്‍ നിന്നുള്ള ജാവരിയ ഖനൂം എന്ന യുവതിയാണ് അട്ടാരി-വാഗ ബോര്‍ഡറു വഴി ഇന്ത്യയിലെത്തിയത്. വരന്‍ സമീര്‍ ഖാനും പിതാവ് അഹമ്മദ് കമല്‍ ഖാനും ഇവരെ സ്വീകരിക്കാന്‍ എത്തിയിരുന്നു. ഇതിന്റെ വീഡിയോ സോഷ്യല്‍ മീഡിയയില്‍ വൈറലായി. 45 ദിവസത്തെ വിസയാണ് യുവതിക്ക് ലഭിച്ചത്.

ഇരുവരുടെയും വിവാഹ നിശ്ചയം കഴിഞ്ഞു. അഞ്ചുവര്‍ഷമായി ഇവര്‍ പ്രണയത്തിലാണ് പ്രാദേശിക മാദ്ധ്യമങ്ങള്‍ നല്‍കുന്ന വിവരം. അടുത്ത വര്‍ഷം ജനുവരിയിലാകും വിവാഹം. കൊല്‍ക്കത്ത സ്വദേശിയായ യുവാവ് ഇപ്പോള്‍ താമസിക്കുന്നത് ഗുര്‍ദാസ്പൂറിലാണ്. വിസ നീട്ടി ലഭിക്കുമെന്നാണ് പ്രതീക്ഷുന്നതെന്ന് യുവതി മാദ്ധ്യമങ്ങളോട് പ്രതികരിച്ചു. യുവതിക്കൊപ്പം പിതാവ് അസ്മത്ത് ഖാനും ഇന്ത്യയിലെത്തിയിട്ടുണ്ട്. അട്ടാരി ബോര്‍ഡിലെത്തിയ ഇരുവര്‍ക്കും വിസ നടപടിക്രമങ്ങളില്‍ കാലതാമസം ഉണ്ടായെങ്കിലും പിന്നീട് ഇത് മാറി. വിവാഹത്തിനായി കുടുംബങ്ങള്‍ ഉടനെ കൊല്‍ക്കത്തയിലേക്ക് പോകുമെന്നാണ് വിവരം.

Javaria Khanam from Karachi, Pakistan, arrived in India via the Wagah Border. She has been granted a 45-day visa to India. Her fiance, Samir Khan, and future father-in-law, Ahmed Kamal Khan Yusufzai, from Kolkata received her at Wagah Border. They are getting married in the first… pic.twitter.com/CYwbV7X3ve

— Gagandeep Singh (@Gagan4344) December 5, 2023

“>