ഫേസ്ബുക്ക്-മെസഞ്ചർ പേഴ്സണൽ ചാറ്റുകളിലും കോളുകളിലും എൻടു എൻഡ് എൻക്രിപ്ഷൻ അവതരിപ്പിച്ച് മെറ്റ. ഫേസ്ബുക്കിൽ വൈകാതെ തന്നെ ഈ ഫീച്ചർ ലഭ്യമാകുമെന്ന് മെറ്റ വ്യക്തമാക്കി. എന്നാൽ മെസഞ്ചറിൽ പുതിയ അപ്ഡേറ്റ് ലഭ്യമാകാൻ അൽപ്പം കൂടി കാത്തിരിക്കേണ്ടി വന്നേക്കുമെന്നാണ് വിവരം.
മുമ്പ് മെസഞ്ചറിൽ ഇത്തരമൊരു ഫീച്ചർ നൽകിയിരുന്നു. അന്ന് ഉപയോക്താക്കൾക്ക് അവരുടെ സൗകര്യപ്രദം എൻട് ടു എൻഡ് എൻക്രിപ്ഷൻ ഫീച്ചർ തിരഞ്ഞെടുക്കാനാകുന്ന വിധത്തിൽ ഓപ്ഷണൽ എന്ന തരത്തിലാണ് അവതരിപ്പിച്ചത്. ഇപ്പോഴിതാ പുതിയ ഫീച്ചർ അവതരിപ്പിച്ചതോടെ മെസഞ്ചറിലെ എല്ലാ ചാറ്റുകളും എൻക്രിപ്റ്റഡായി മാറും.
മെറ്റയുടെ ഉടമസ്ഥതയിലുള്ള വാട്സ്ആപ്പിൽ ഇതിനോടകം തന്നെ എൻക്രിപ്റ്റ് ചെയ്ത മെസേജുകളും കോളുകളും ലഭ്യമായിട്ടുണ്ട്. ഈ ഫീച്ചർ ആക്ടിവേറ്റ് ചെയ്ത ചാറ്റിലെ സന്ദേശം അയക്കുന്നയാൾക്കും സ്വീകർത്താവിനും ഇടയിൽ നിൽക്കും. ചുരുക്കിപ്പറഞ്ഞാൽ പുറത്ത് നിന്നൊരാൾക്ക് നുഴഞ്ഞുകയറാനോ സന്ദേശങ്ങൾ വായിക്കാനോ സാധിക്കില്ല.