തിരുവനന്തപുരം: എംബിബിഎസ് മൂന്നാം വർഷം പഠനവും മോഡൽ പരീക്ഷയും പൂർത്തിയാക്കിയ വിഷയങ്ങൾക്ക് ഇത്തവണ പരീക്ഷ ഇല്ലെന്ന് ആരോഗ്യ സർവ്വകലാശാല. ഇ.എൻ.ടി., ഒഫ്താൽമോളജി എന്നീ വിഷയങ്ങളുടെ പരീക്ഷയാണ് അടുത്ത വർഷത്തെ പേപ്പറുകൾക്കൊപ്പം നടത്താൻ സർവ്വകലാശാല തീരുമാനിച്ചിരിക്കുന്നത്.
ഇതോടെ 2020 ബാച്ച് വിദ്യാർത്ഥികളാണ് ആശങ്കയിലായത്. അടുത്തവർഷം കൂടുതൽ പേപ്പറുകൾ പഠിക്കാനുണ്ടായിരിക്കെ രണ്ട് വിഷയങ്ങൾകൂടി വീണ്ടും പഠിക്കേണ്ടിവരുന്നുവെന്നാണ് വിദ്യാർത്ഥികൾ പങ്കുവയ്ക്കുന്ന ആശങ്ക.
