തിരുവനന്തപുരം: ഡിജിപിയുടെ വീട്ടിലേേക്കുള്ള മഹിളാ മോർച്ച പ്രതിഷേധത്തിൽ മൂന്നു പോലീസുകർക്ക് സസ്പെൻഷൻ. പോലീസുകാർക്കെതിരെ നടപടിയെടുത്ത് കൊണ്ടുള്ള ഉത്തരവും പുറത്തിറങ്ങിയിട്ടുണ്ട്. ആർആർആർഎഫിലെ പോലീസുകാരായ മുരളീധരൻ നായർ, മുഹമ്മദ് ഷെബിൻ, സജിൻ എന്നിവരെയാണ് സസ്പെൻഡ് ചെയ്തിരിക്കുന്നത്.
ഈ മൂന്ന് പോലീസുകാരാണ് ഡിജിപിയുടെ വീട്ടിൽ ഗാർഡ് ഡ്യൂട്ടിയിലുണ്ടായിരുന്നത്. മഹിളാ മോർച്ചാ പ്രവർത്തകർ ഡിജിപിയുടെ ഔദ്യോഗിക വസതിയിലേക്ക് അതിക്രമിച്ച് കയറി പ്രതിരോധിച്ചിരുന്നു. ഇവരെ സ്ഥലത്ത് നിന്നും മാറ്റാൻ വൈകിയതിനാലാണ് പോലീസുകാർക്കെതിരെ നടപടി സ്വീകരിച്ചത്. സ്ഥലത്ത് വനിതാ പോലീസ് ഇല്ലാത്തതിനാൽ പ്രതിഷേധം തുടർന്നിരുന്നു. തുടർന്ന്, പോലീസെത്തി ബലം പ്രയോഗിച്ചായിരുന്നു സ്ഥലത്ത് നിന്നും ഇവരെ നീക്കിയത്.
പോലീസുകാർ ഡിജിപിയുടെയോ ഉന്നത ഉദ്യോഗസ്ഥരുടെയോ അനുമതിയില്ലാതെയാണ് ഗേറ്റ് തുറന്നതെന്നും നടപടി പോലീസിന്റെ പേരിന് കളങ്കമുണ്ടാക്കിയെന്നമാണ് സസ്പെൻഡ് ചെയ്ത് കൊണ്ടുള്ള ഉത്തരവിൽ പറയുന്നത്.