തോറ്റുതുന്നംപാടി നില്‍ക്കുന്ന ഇംഗ്ലണ്ട് പുരുഷ ക്രിക്കറ്റ് ടീമിനെ വിജയ വഴിയില്‍ തിരിച്ചെത്തിക്കാന്‍ പുത്തന്‍ നീക്കവുമായി ഇസിബി. വൈറ്റ് ബോള്‍ ക്രിക്കറ്റ് പരിശീലക സംഘംത്തിലേക്ക് വിന്‍ഡീസ് ഇതിഹാസം കീറോണ്‍ പൊള്ളാര്‍ഡിനെ ഉള്‍പ്പെടുത്തി.
ടി20 ലോകപ്പിന് മുമ്പാണ് ഭാവി മുന്നില്‍ കണ്ടുള്ള നീക്കം. ടി20 ഫോര്‍മാറ്റില്‍ ലോകം കണ്ട മികച്ച ബാറ്ററായിരുന്ന പൊള്ളാര്‍ഡ് ഇംഗ്ലീഷ് പടയുടെ തലവര മാറ്റുമെന്നാണ് പ്രതീക്ഷപ്പെടുന്നത.ലോകത്തെ വിവിധ ലീഗുകളില്‍ സജീവ സാന്നിദ്ധ്യമായിരുന്ന താരം ഒരുവര്‍ഷം മുന്‍പാണ് സജീവ ക്രിക്കറ്റില്‍ നിന്ന് വിരമിച്ചത്.
മുംബൈയുടെ ബാറ്റിംഗ് പരിശീലകനുമായിരുന്നു താരം. ഉപദേശകന്‍ എന്ന നിലയിലാകും 36-കാരനായ താരം ഇംഗ്ലണ്ട് ടീമിനൊപ്പം ചേരുക. ടെലഗ്രാഫാണ് ഇക്കാര്യം റിപ്പോര്‍ട്ട് ചെയ്യുന്നത്. അടുത്തിടെ അവസാനിച്ച വിന്‍ഡീസിനെതിരായ ടി20 പരമ്പരയിലും ഇംഗ്ലണ്ടിന് തോല്‍വിയായിരുന്നു ഫലം. 3-2 നാണ് പരമ്പര അടിയറവ് വച്ചത്. ഏകദിന പരമ്പരയില്‍ നാണംകെട്ടതിന് പിന്നാലെയായിരുന്നു ഇത്.
