പത്തനംതിട്ട: പുത്തൻപീടികയിൽ നിയന്ത്രണം വിട്ട ആംബുലൻസ് കാറിൽ ഇടിച്ച് അപകടം. സംഭവത്തിൽ കാർ യാത്രികരായ നാല് കന്യാസ്ത്രീകൾക്ക് പരിക്കേറ്റു. നന്നുവക്കാട് ബഥനി ആശ്രമത്തിലെ കന്യാസ്ത്രീകൾക്കാണ് പരിക്കേറ്റത്. ഇവരെ പത്തനംതിട്ടയിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണണ്.
നിയന്ത്രണം വിട്ട ആംബുലൻസ് കാറിലേക്ക് ഇടിച്ചു കയറുന്നതിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. ഇതിന് മുമ്പ് മറ്റൊരു കാറിലും ആംബുലൻസ് തട്ടിയതായാണ് വിവരം.
അതേസമയം കൈപ്പൂരിൽ കെഎസ്ആർടിസി ബസുകൾ തമ്മിൽ കൂട്ടിയിടിച്ച് അപകടം.സംഭവത്തിൽ ബസ് ഡ്രൈവർ സീറ്റിനടിയിൽ കുടുങ്ങി. അര മണിക്കൂറിലേറെ സമയമെടുത്താണ് ഇയാളെ പുറത്തെടുത്തത്. നിരവധി യാത്രക്കാർക്കും പരിക്കേറ്റിട്ടുണ്ട്.
