നീളമുള്ള സുന്ദരമായ നഖങ്ങൾ പലരുടെയും സ്വപ്നമാണ്. നഖങ്ങൾ വളർത്തി അതിൽ മനോഹരമായി നെയിൽ ആർട്ട് ചെയ്യാനൊക്കെ ഇഷ്ടപ്പെടുന്നവരായിരിക്കും ഭൂരിഭാഗം പെൺകുട്ടികളും. എന്നാൽ പലപ്പോഴും നഖങ്ങൾ ഉദ്ദേശിച്ച രീതിയിൽ വളരാത്തത് പലരെയും അലട്ടുന്ന ഒരു പ്രശ്നമായിരിക്കും. ഇത്തരം പ്രശ്നങ്ങൾ ഒഴിവാക്കാനായി പലപ്പോഴും പലരും തിരഞ്ഞെടുക്കുന്ന ഒരു മാർഗമാണ് നെയിൽ എക്സ്റ്റെഷൻ. എന്നാൽ ഇത് ചെയ്യുമ്പോൾ ശ്രദ്ധിക്കേണ്ട ചില കാര്യങ്ങളുണ്ട്. അറിയാം..
നഖം വളർത്താൻ ആഗ്രഹിച്ച് അതിനു സാധിക്കാതെ പോകുന്നവർക്ക് എളുപ്പത്തിൽ ചെയ്യാൻ പറ്റുന്ന മാർഗമാണ് കൃത്രിമ നഖം ഘടിപ്പിക്കുന്നത്. ഇത് യാഥാർത്ഥ നഖങ്ങളെ പോലെ തോന്നിപ്പിക്കുകയും വിരലുകൾക്ക് ഭംഗി നൽകാൻ സഹായിക്കുമെങ്കിലും നെയിൽ എക്സ്റ്റെഷൻ ചെയ്യാൻ തിരഞ്ഞെടുക്കുന്ന കടകൾ ശ്രദ്ധിക്കേണ്ടതുണ്ട്. 500 രൂപ മുതൽ നെയിൽ എക്സ്റ്റെഷൻ ചെയ്യുന്ന കടകൾ ഇന്ന് വർദ്ധിച്ചുവരുന്നുണ്ട്. എന്നാൽ പാർലറുകളിൽ നെയിൽ എക്സ്റ്റെഷനായി ഉപയോഗിക്കുന്ന ജെല്ലുകൾ മറ്റു ഉപകരണങ്ങൾ എന്നിവ നല്ലതാണോയെന്ന് പ്രത്യേകം ശ്രദ്ധിക്കേണ്ടതുണ്ട്. നന്നല്ലാത്ത വസ്തുക്കൾ ഉപയോഗിക്കുന്നത് യഥാർത്ഥ നഖങ്ങൾ കേടുവരുന്നതിന് കാരണമാകുന്നു. ക്രിത്രിമ നഖങ്ങൾ നീക്കം ചെയ്യുമ്പോഴും ശ്രദ്ധയോടെ ചെയ്തില്ലെങ്കിലും പിന്നീട് യഥാർത്ഥ നഖങ്ങൾ കേടു വരുന്നതിനു കാരണമാകുന്നു.
