ആരോഗ്യത്തോടെ ജീവിക്കാൻ താത്പര്യമില്ലാത്തവർ ഉണ്ടാകുമോ? ശരീരത്തിന്റെയും മനസിന്റെയും ആരോഗ്യത്തിന് വലിയൊരളവിൽ തടസം സൃഷ്ടിക്കുന്നത് ജീവിത ശൈലി രോഗങ്ങളും അതിനോടനുബന്ധിച്ച് വരുന്ന മറ്റു രോഗാവസ്ഥകളുമാണ്. എന്നാൽ ഭക്ഷണ ശീലങ്ങളിൽ ചെറിയ മാറ്റം വരുത്തിയാൽ ഇത്തരം രോഗങ്ങളെ ഫലപ്രദമായി ചെറുക്കാൻ സഹായിക്കും. ആരോഗ്യദായകമായ ജീവിതത്തിന് സഹായിക്കുന്ന ചില ഭക്ഷണ ശീലങ്ങൾ പരിചയപ്പെടാം..
നാരുകൾ കലർന്ന ഭക്ഷണം:-
നാരടങ്ങിയ ഭക്ഷണങ്ങളായ ധാന്യങ്ങൾ, പയറു വർഗങ്ങൾ, പച്ചറികൾ, പഴവർഗ്ഗങ്ങൾ നല്ലവണ്ണം കഴിക്കുന്നത്
ഹൃദ്രോഗം, മസ്തിഷ്കാഘാതം, ക്യാൻസർ തുടങ്ങിയ രോഗങ്ങളിൽ നിന്ന് അകന്നു നിൽക്കാൻ പരമാവധി സഹായിക്കും. ഇതോടൊപ്പം ദഹനശേഷി വർദ്ധിപ്പിക്കുന്നതിനും ഇത്തരം ഭക്ഷണങ്ങൾ നല്ലതാണ്.
പഞ്ചസാര കുറഞ്ഞ ഭക്ഷണം:-
ഭക്ഷണത്തിൽ പഞ്ചസാര കുറക്കുന്നത് പ്രമേഹം, ഹൃദ്രോഗം എന്നിവയുടെ സാദ്ധ്യതയെ കുറയ്ക്കും. ശീതള പാനീയങ്ങളും, പ്രോസസ് ചെയ്ത ഭക്ഷണങ്ങളും കഴിക്കുന്നതിനേക്കാൾ ഉത്തമം പ്രകൃതി ദത്തമായ പഞ്ചസാര വിഭവങ്ങളായ പഴവർഗ്ഗങ്ങൾ,തേൻ തുടങ്ങിയവ ഉപയോഗിക്കുന്നതാണ്.
നല്ല കൊഴുപ്പ്:-
അവക്കാഡോ, അണ്ടിപ്പരിപ്പ്, ഒലീവ് ഓയിൽ, മീൻ തുടങ്ങിയ ഭക്ഷണങ്ങളിൽ നല്ല കൊഴുപ്പ് അടങ്ങിയിരിക്കുന്നു. ഇത് ഹൃദയാരോഗ്യം വർദ്ധിപ്പിക്കുന്നു.
ലഘുവായ പ്രോട്ടീൻ:-
കോഴി ഇറച്ചി, മത്സ്യം, പയർ വർഗ്ഗങ്ങൾ, കൊഴുപ്പ് കുറഞ്ഞ പാലുൽപ്പന്നങ്ങൾ, എന്നിവ കൃത്യമായ അനുപാതത്തിൽ കഴിക്കുന്നത് ശരീരത്തിലെ മസിലുകളുടെ കരുത്തിന് ഏറെ ഗുണകരമാണ്.
ഉപ്പിന്റെ ഉപഭോഗം:-
മിതമായ അളവിൽ ഉപ്പ് ഉപയോഗിക്കുന്നത് രക്ത സമ്മർദ്ദം കുറയ്ക്കാനും ഹൃദ്രോഗത്തിൽ നിന്നുള്ള മോചനത്തിനും ഉപകരിക്കും.
സസ്യാഹാരം:-
സസ്യാഹാരം ശീലമാക്കിയാൽ രോഗങ്ങളെ ഒരുപരിധി വരെ ചെറുക്കാനാകും.
നന്നായി വെള്ളെം കുടിക്കുക:-
നന്നായി വെള്ളം കുടിക്കുന്നത് പലവിധ രോഗങ്ങൾ ചെറുക്കുന്നതിനും ദഹനശേഷി വർദ്ധിപ്പിക്കുന്നതിനും നല്ലതാണ്.
അമിത ഭക്ഷണം:-
മിതമായ രീതിയിൽ ഭക്ഷണം കഴിക്കുന്നത് ശരീരത്തിന് ഉത്തമമാണ്. ഇത് ദഹനത്തിന് സഹായകരമാണ്.
മികച്ച ഭക്ഷണശീലം ആയുർദൈർഘ്യത്തിന് അഭികാമ്യമാണ്. ഇത് മാനസികവും ശാരീരികവുമായ ആരോഗ്യത്തിന് അത്യന്താപേക്ഷിതവുമാണ്.