മികച്ച ഭക്ഷണക്രമം ശരീരഭാരം കുറയ്ക്കുന്നതിനും ശാരീരിക ആരോഗ്യത്തിനും അത്യന്താപേക്ഷിതമാണ്. പക്ഷേ ഏറ്റവും വലിയ വെല്ലുവിളി ഉത്തമമായ ഭക്ഷണരീതി ഏതെന്ന് തിരഞ്ഞെടുക്കുന്നതാണ്. വിവിധതരം ഭക്ഷണ ക്രമീകരണങ്ങളിൽ ഏറ്റവും നല്ല നാല് രീതികൾ ചുവടെ..
വെജിറ്റേറിയൻ ഡയറ്റ്:-
ഏറ്റവും മികച്ച ഭക്ഷണ ശീലമാണിത്. സുരക്ഷിതമായ ആഹാരക്രമീകരണമാണ് സസ്യാഹാര രീതി. ഇതിൽ തന്നെ മുട്ടയും പാലുത്പന്നങ്ങളും കഴിക്കുന്ന സസ്യാഹാരികളുമുണ്ട്.
പ്രയോജനങ്ങൾ:
1. പ്രമേഹത്തിനുള്ള സാധ്യത 35% കുറയ്ക്കും.
2. ശരീരത്തിന് സുരക്ഷിതം
3. ഹൃദയാരോഗ്യം
ഡാഷ് ഡയറ്റ്:-
ഹൃദയാരോഗ്യം മെച്ചപ്പെടുത്താൻ ഉപയോഗിക്കുന്ന ഭക്ഷണക്രമമാണ് ഡാഷ് (Dietary Approaches to Stop Hypertension) ഡയറ്റ്. ആഹാരത്തിൽ കുറഞ്ഞ അളവിലാണ് ഉപ്പ് പ്രയോഗിക്കുക. ചീത്ത കൊഴുപ്പുകൾ (LDL cholesterol) ഭക്ഷണത്തിൽ നിന്ന് ഒഴിവാക്കിയമുള്ള രീതിയാണിത്.
പ്രയോജനങ്ങൾ:
1.രക്ത സമ്മർദ്ദം കുറയ്ക്കുന്നു.
2.ശരീരത്തിലെ ചീത്ത കൊഴുപ്പിന്റെ അളവ് കുറയുന്നു.
മെഡിറ്ററേനിയൻ ഭക്ഷണക്രമം:-
ഒരേ സമയം ആന്റി ഓക്സിഡന്റും ആന്റി ഇഫ്ളമേറ്ററിയുമായ പദാർത്ഥങ്ങളാണ് ഇതിൽ ഉപയോഗിക്കുന്നത്. പഴവർഗ്ഗങ്ങളും, പച്ചക്കറികളും, പയറു വർഗ്ഗങ്ങളും, ധാന്യങ്ങളും, മീനും അടങ്ങിയ സമീകൃതമായ ഭക്ഷണക്രമമാണിത്. മെഡിറ്ററേനിയൻ കടലിനോട് ചേർന്ന് കിടക്കുന്ന രാജ്യങ്ങളുടെ പരമ്പരാഗത ഭക്ഷണക്രമമാണ്.
പ്രയോജനങ്ങൾ:
1.ആയുർദൈർഖ്യം വർദ്ധിപ്പിക്കുന്നു.
2. രോഗപ്രതിരോധ ശേഷി കൂട്ടുന്നു.
ഫ്ളക്സിറ്റേറിയൻ ഡയറ്റ്:-
മാംസാഹാരം പരമാവധി കുറച്ചുകൊണ്ടുള്ള ഭക്ഷണക്രമമാണിത്. സസ്യാഹാരമാണ് ഇതിൽ പ്രധാനം. പാലുത്പന്നങ്ങളും മുട്ടയും വല്ലപ്പോഴും കഴിക്കാവുന്നതാണ്. ചെറിയ അളവിൽ മാംസവും ഉൾപ്പെടുത്താം.
പ്രയോജനങ്ങൾ:
1. ശരീരഭാരം ക്രമപ്പെടുത്തുന്നതിന് ഇത് സഹായിക്കും.
2. ഹൃദ്രോഗത്തെയും പ്രമേഹത്തെയും ചെറുക്കും.
മൈൻഡ് ഡയറ്റ്:-
Mediterranean-DASH Intervention for Neurodegenerative Delay ആണ് മൈൻഡ് ഡയറ്റ്. മെഡിറ്ററേനിയൻ ഭക്ഷണക്രമവും ഡാഷ് ഡയറ്റും സംയോജിപ്പിച്ചുകൊണ്ടുള്ള രീതിയാണിത്.
പ്രയോജനങ്ങൾ:
1. പ്രായം കൂടുന്നതിന് അനുസരിച്ച് ബുദ്ധി കുറയുന്നതിനുള്ള സാധ്യത കുറയ്ക്കുന്നു
2. ഓർമ്മശക്തി വർദ്ധിപ്പിക്കുന്നു.
