ന്യൂഡൽഹി: പരീക്ഷാ പേ പേർച്ച ജനുവരി 29 ന് നടക്കും. ഇത്തവണ ഒരു കോടിയോളം കുട്ടികളാണ് പരീക്ഷാ പേ ചർച്ചയിൽ പങ്കെടുക്കാൻ രജിസ്റ്റർ ചെയ്തിട്ടുള്ളതെന്നാണ് വിവരം.
ന്യൂഡൽഹിയിലെ തൽകൊത്തോറാ സ്റ്റേഡിയത്തിലാണ് പരിപാടി നടക്കുന്നത്. പരീക്ഷാ സമ്മർദ്ദത്ത അതിജീവിക്കാനും പരീക്ഷ അഭിമുഖീകരിക്കാനുള്ള പ്രചോദനത്തിനുംവേണ്ടിയാണ് കേന്ദ്രവിദ്യാഭ്യാസ മന്ത്രാലയം പരിപാടി സംഘടിപ്പിക്കുന്നത്. പരിപാടിയിൽ കുട്ടികൾക്ക് പ്രധാനമന്ത്രിയെ കാണാനും അദ്ദേഹത്തോട് സംവദിക്കാനും അവസരം ലഭിക്കും. 6 മുതൽ 12 വരെയുള്ള ക്ലാസുകളിലെ കുട്ടികൾക്കാണ് പരിപാടിയിൽ പങ്കെടുക്കുക.
പരീക്ഷാർത്ഥികൾക്ക് (exam warriors) പരീക്ഷാപ്പേടി അകറ്റാൻ പ്രധാനമന്ത്രിയുടെ നേതൃത്വത്തിൽ നടത്തുന്ന ‘പരീക്ഷാ പേ ചർച്ച’ വലിയ ആശ്വാസമാണ് പകരുന്നത്. എക്സാം വാരിയേഴ്സ് എന്ന പുസ്തകത്തിലൂടെ പ്രധാനമന്ത്രി പങ്കുവച്ചിട്ടുള്ള കാര്യങ്ങൾ അദ്ദേഹം കുട്ടികളുമായി സംവദിക്കും. ജീവന്മരണ പോരാട്ടമായി പരീക്ഷയെ കാണരുതെന്നും ഏതുരീതിയിൽ പരീക്ഷകളെ സമീപിക്കണമെന്ന് കുട്ടികൾക്ക് നിർദ്ദേശിക്കുന്നതാണ് പ്രധാനമന്ത്രിയുടെ പരീക്ഷാ പേ ചർച്ച.
