മുഖത്തെ കുഴികളെ ഓർത്ത് ദുഃഖിക്കുന്നവർ ചില്ലറയല്ല. എണ്ണമയമുള്ള ചർമ്മത്തെയാണ് ഇത് അധികം ബാധിക്കുന്നത്. ചർമ്മത്തിൽ കുഴി പോലെയാണ് ഇത് കാണപ്പെടുന്നത്. ചർമ്മത്തിൽ അഴുക്ക് വരുവാനും സുഷിരങ്ങൾ അടയാനും ഇത് കാരണമാകുന്നു. മുഖക്കുരു, ബ്ലാക്ക് ഹെഡ്സ് വിവിധ ചർമ്മ പ്രശ്നങ്ങൾ എന്നിവയ്ക്ക് ഇത് കാരണമാകുന്നു.
പ്രായം, സൂര്യാഘാതം, വിയർപ്പ്, പാരമ്പര്യം, ശുചിത്വം, ഹോർമോൺ മാറ്റം, മേക്കപ്പ്, ഭക്ഷണക്രമം എന്നിവ മുഖത്തെ സുഷിരങ്ങൾക്ക് കാരണമായേക്കാം. എന്നാൽ ഇവ കുറയ്ക്കാനുള്ള വഴികൾ വീട്ടിലുണ്ട്. അവയിൽ ചിലത് ഇതാ..
- കറ്റാർ വാഴ ജെൽ പുരട്ടി 15 മിനിറ്റിന് ശേഷം മുഖം കഴുകുക. ഇത് ചർമ്മത്തിന്റെ നിറം മെച്ചപ്പെടുത്താനും സുഷിരങ്ങൾ അടയുന്നതിനും സഹായിക്കും.
- മുട്ടയുടെ വെള്ള പുരട്ടി മുഖത്ത് പുരട്ടി 15 മിനിറ്റ് നേരത്തിന് ശേഷം കഴുകി കളയുക. മുട്ടയുടെ വെള്ളയിൽ കാണപ്പെടുന്ന പ്രോട്ടീനുകൾ ചർമ്മത്തിന്റെ ഇലാസ്തികത മെച്ചപ്പെടുത്തും.
- ആന്റി ഓക്സിഡന്റുകളാൽ സമ്പുഷ്ടമാണ് പപ്പായ. പാടുകൾ കുറയ്ക്കാനും സുഷിരങ്ങൾ അടയ്ക്കാനും സഹായിക്കുന്നു. പഴുത്ത പപ്പായ അരച്ച് മുഖത്ത് പുരട്ടുകയോ, പഴമായി കഴിക്കുകയോ ആകാം.
- വാഴപ്പഴത്തിലെ ല്യൂട്ടിൻ, പൊട്ടാസ്യം എന്നിവ ചർമ്മത്തെ പുനരുജ്ജീവിപ്പിക്കാനും സുഷിരങ്ങൾ ശക്തമാക്കാനും സഹായിക്കും. ദിവസവും ഓരോ വാഴപ്പഴം കഴിക്കാൻ ശ്രദ്ധിക്കുക.
- ജോജോബ ഓയിലും മുഖത്തെ സുഷിരത്തെ പമ്പ കടത്താൻ നല്ലതാണ്. മുഖത്തെ ശുദ്ധീകരിക്കാനും സുഷിരങ്ങൾ അടയ്ക്കാനും സഹായിക്കുന്നു.
- ആൻറി-ഇൻഫ്ലമേറ്ററി, ആന്റിഓക്സിഡന്റ് ഗുണങ്ങളാൽ സമ്പന്നമാണ് ഒലിവ് ഓയിൽ. ചർമ്മത്തെ വരൾച്ച, ചൊറിച്ചിൽ എന്നിവയ്ക്കും സുഷിരങ്ങൾ കുറയ്ക്കുന്നതിനും സഹായിക്കുന്നു
- ടീ ട്രീ ഓയിലും സുഷിരങ്ങൾ കുറയ്ക്കാൻ സഹായിക്കുന്നു.
- ശരീരത്തിന് ജലാംശം നൽകുന്നതിൽ പ്രധാനിയാണ് കുക്കുമ്പർ. എണ്ണമയമുള്ള ചർമം ഉള്ളവർക്ക് ഇത് ഏറെ ഗുണം ചെയ്യുന്നു.
- ചർമ്മത്തിന്റഎ പിഎച്ച് ലെവൽ സന്തുലിതമാക്കാന കഴിവുള്ളതാണ് ബേക്കിംഗം സോഡ. മൃതകോശങ്ങളെ തുടച്ച് നീക്കാനും ഇതിന് കഴിയും. ആന്റി-ബാക്ടീരിയൽ, ആന്റി-ഇൻഫ്ലമേറ്ററി ഗുണങ്ങളും ബേക്കിംഗ് സോഡയിലുണ്ട്.
- മുൾട്ടാണി മിട്ടി മാസ്കും നല്ലതാണ്. എണ്ണമയത്തെ ആഗിരണം ചെയ്യാനും ശുദ്ധീകരിക്കാനും ഇത് സഹായിക്കുന്നു.
- സുഷിരങ്ങൾ അടയ്ക്കാനും ചർമ്മത്തെ ടോൺ ചെയ്യുന്നതിനും തേൻ സഹായിക്കും.
- ചെറുപ്പയർ പൊടി ഉപയോഗിക്കുന്നതും മികച്ച ഫലം നൽകുന്നു
- തക്കാളി അരച്ച് മുഖത്ത് പുരട്ടുന്നതും നല്ലതാണ്.
