ചെന്നൈ: പ്രധാനമന്ത്രി നരേന്ദ്രമോദിക്കൊപ്പം പൊങ്കൽ ആഘോഷിക്കാൻ കഴിഞ്ഞതിന്റെ സന്തോഷം അറിയിച്ച് നടി മീന. വാക്കുകൾക്ക് അതീതമായ ബഹുമതിയാണ് പ്രധാനമന്ത്രിക്കൊപ്പം പൊങ്കൽ ആഘോഷങ്ങളിൽ പങ്കെടുക്കുന്നതാണെന്നാണ് നടി പറഞ്ഞത്. സമൂഹമാദ്ധ്യമങ്ങളിൽ പ്രധാനമന്ത്രിക്കൊപ്പമുള്ള ചിത്രവും താരം പങ്കുവച്ചിട്ടുണ്ട്.
‘പ്രധാനമന്ത്രി നരേന്ദ്രമോദിക്കൊപ്പം പൊങ്കൽ ആഘോഷിക്കാൻ കഴിഞ്ഞത് വാക്കുകൾക്ക് അതീതമായൊരു ബഹുമതിയാണ്. സമ്പന്നമായ ഈ അനുഭവത്തിനും ഐക്യത്തിനും നന്ദി.’-മീന കുറിച്ചു.
കേന്ദ്ര സഹമന്ത്രി ഡോ. എൽ. മുരുഗന്റെ ഡൽഹിയിലെ വസതിയിൽ സംഘടിപ്പിച്ച പരിപാടിയിൽ പ്രധാനമന്ത്രിക്കൊപ്പം കേന്ദ്രമന്ത്രി നിർമ്മലാ സീതാരാമനും ഉണ്ടായിരുന്നു. തമിഴ്നാട്ടിലെ പാരമ്പര്യ വസ്ത്രം അണിഞ്ഞാണ് പ്രധാനമന്ത്രി എത്തിയത്. കറുത്ത കോട്ടും വെള്ള മുണ്ടും ദോത്തിയുമായിരുന്നു വസ്ത്രം. ‘ഏക് ഭാരത് ശ്രേഷ്ഠ ഭാരത്’ എന്ന സങ്കൽപ്പത്തിന്റെ ഭാഗമായാണ് പൊങ്കൽ ആഘോഷങ്ങൾ സംഘടിപ്പിക്കുന്നതെന്നും പ്രധാനമന്ത്രി പറഞ്ഞു.
