ബെംഗളൂരു: ജനുവരി 19ന് ബെംഗളൂരു സന്ദർശിക്കുന്ന പ്രധാനമന്ത്രി നരേന്ദ്ര മോദി ആഗോള എയ്‌റോസ്‌പേസ് കമ്പനിയായ ബോയിംഗിന്റെ അത്യാധുനിക എൻജിനീയറിങ് ആൻഡ് ടെക്നോളജി ഇന്നൊവേഷൻ കാമ്പസ് ഉദ്ഘാടനം ചെയ്യും.
ബംഗളൂരുവിനടുത്തുള്ള ദേവനഹള്ളിയിൽ ബോയിംഗ് നിർമ്മിക്കുന്ന ഈ പുതിയ കാമ്പസ് ഒരു ഹൈടെക് എയ്‌റോസ്‌പേസ് പാർക്കാണ്.ബോയിംഗ് കമ്പനിക്ക് യുഎസിനു പുറത്തുള്ള ഇത്തരത്തിലുള്ള ഏറ്റവും വലിയ സൗകര്യമാണിത്. 43 ഏക്കർ വിസ്തൃതിയുള്ള ഈ സംവിധാനം 1600 കോടി രൂപ മുതൽമുടക്കിലാണ് നിർമ്മിച്ചത്. 190 MAX 737 നാരോബോഡി എയർ ക്രാഫ്റ്റുകൾ , ഇരുപത് 787 ഡ്രീംലൈനറുകൾ, പത്ത് 777 എക്‌സ് എന്നിവ ഉൾപ്പെടെ 200-ലധികം ജെറ്റുകൾക്കുളള ഓർഡറുകൾ എയർ ഇന്ത്യ ഒപ്പിട്ടതിന് പിന്നാലെ ഇന്ത്യയിലെ പൈലറ്റുമാരെ പരിശീലിപ്പിക്കുന്നതിനും അടിസ്ഥാന സൗകര്യങ്ങളിലും 100 മില്യൺ ഡോളർ നിക്ഷേപം ബോയിംഗ് കമ്പനി 2023 ൽ പ്രഖ്യാപിച്ചിരുന്നു. .
അന്നേ ദിവസം തമിഴ്‌നാട്ടിൽ നടക്കുന്ന “ഖേലോ ഇന്ത്യ”യുടെ ഉദ്ഘാടന ചടങ്ങിലും നരേന്ദ്ര മോദി പങ്കെടുക്കും.
