ഡയറ്റിൽ ഉൾപ്പെടുത്തേണ്ട വിത്തുകളിൽ പ്രധാനിയാണ് സൂര്യകാന്തി വിത്തുകൾ. പലരും ആദ്യമൊന്ന് നെറ്റി ചുളിച്ചേക്കാം, സൂര്യകാന്തി വിത്തുകളോ എന്ന്. എന്നാൽ ധാരാളം പോഷകമൂല്യമുള്ള വിത്താണിത്. മൊത്തത്തിലുള്ള ആരോഗ്യം മെച്ചപ്പെടുത്താൻ നിത്യനേ സൂര്യകാന്തി വിത്ത് ഭക്ഷണത്തിൽ ഉൾപ്പെടുത്താവുന്നതാണ്. സൂര്യകാന്തി വിത്തിന്റെ ചില ആരോഗ്യ ഗുണങ്ങൾ ഇതാ..
1) ഹൃദയത്തിന് ഗുണങ്ങൾ നൽകുന്ന മോണോസാച്ചുറേറ്റഡ്, പോളിഅൺസാച്ചുറേറ്റഡ് കൊഴുപ്പുകളുടെ കേന്ദ്രമാണ് സൂര്യകാന്തി വിത്തുകൾ. ഈ ആരോഗ്യകരമായ കൊഴുപ്പുകൾ കൊളസ്ട്രോളിന്റെ അളവ് കുറയ്ക്കാന്നു. ഹൃദ്രോഗ സാധ്യതയും കുറയ്ക്കുന്നു. ഇതിലടങ്ങിയിരിക്കുന്ന വിറ്റാമിൻ ഇ മോശം കൊളസ്ട്രോൾ അടഞ്ഞുകൂടുന്നത് തടയുന്നു.
2) ഇരുമ്പിന്റെ കലവറയാണ് സൂര്യകാന്തി വിത്തുകൾ. ശരീരത്തിന്റെ വിവിധ ഭാഗങ്ങളിലേക്ക് ഓക്സിജൻ എത്തിക്കാൻ ഇരുമ്പിന് കഴിയും. ക്ഷീണം ഉള്ളവർ ഇത് കഴിക്കുന്ന് നല്ലതാണെന്ന് വിദഗ്ധർ പറയുന്നു. മാനസിക പിരിമുറക്കം അനുഭവിക്കുന്നവരും ഡയറ്റിൽ സൂര്യകാന്തി വിത്തുകൾ കഴിച്ചോളൂ. ഇതിലടങ്ങിയിരിക്കുന്ന സെലിനിയം മാനസികാരോഗ്യത്തെ മെച്ചപ്പെടുത്തുന്നു.
3) എല്ലുകളുടെ ആരോഗ്യത്തിന് ആവശ്യമായ മഗ്നീഷ്യത്തിന്റെ ഉറവിടമാണ് സൂര്യകാന്തി വിത്ത്. കാത്സ്യത്തിന്റെ അളവ് നിയന്ത്രിക്കാനും ഇത് സഹായിക്കും.
4) പകർച്ചവ്യാധികളിൽ നിന്ന് ശരീരത്തെ സംരക്ഷിക്കാനും ഇത് സഹായിക്കുന്നു. വിറ്റാമിൻ ഇ, സിങ്ക്, സെലിനിയം എന്നിവയുടെ സാന്നിധ്യമാണ് രോഗപ്രതിരോധ ശേഷി മെച്ചപ്പെടുത്തുന്നത്.
5) ശരീരഭാരം കുറയ്ക്കുന്നതിനും സൂര്യകാന്തി വിത്തുകൾ കഴിക്കാവുന്നതാണ്. ഇതിലെ ഉയർന്ന പോഷാകാംശവും കുറഞ്ഞ കലോറിയുമാണ് ശരീരഭാരം നിയന്ത്രിക്കാൻ സഹായിക്കുന്നത്. വയർ നിറഞ്ഞത് പോലെ തോന്നിക്കുന്നതിനും വിശപ്പകറ്റാനും സൂര്യകാന്തി വിത്ത് സഹായിക്കും. മെച്ചപ്പെട്ട ദഹനത്തിനും ഇത് നല്ലതാണ്.
6) തലമുടി കൊഴിയുന്നുണ്ടെങ്കിലും സൂര്യകാന്തി വിത്തുകൾ കഴിക്കാം. മുടി വളർച്ചയെ പ്രോത്സാഹിപ്പിക്കുന്ന സിങ്ക്, ഒമേഗ 3 ഫാറ്റി ആസിഡുകൾ എന്നിവ ഇതിൽ ധാരാളമായി അടങ്ങിയിട്ടുണ്ട്.
7) ചർമ സംരക്ഷണത്തിനും സൂര്യകാന്തി വിത്തുകൾ വലിയ പങ്ക് വഹിക്കുന്നു. മുഖകാന്തി വർദ്ധിപ്പിക്കുന്ന വിറ്റാമിൻ ഇ സമ്പന്നമാണ് സൂര്യകാന്തി വിത്ത്.
8) ഇരുമ്പിന്റെ കലവറ ആയതിനാൽ വിളർച്ചയെ തടയുന്നു.
