മോഹൻലാലിന് വാച്ചുകളോടുള്ള ഇഷ്ടം എല്ലാ സിനിമാ പ്രേമികൾക്കും അറിയാവുന്നതാണ്. അതിനാൽ തന്നെ അദ്ദേഹം ഏതൊരു പ്രോഗ്രാമിന് പോയാലും അദ്ദേഹത്തിന്റെ വാച്ച് ചർച്ചയാകും. ഇപ്പോഴിതാ തന്റെ വാച്ചുകളുടെ കളക്ഷനെക്കുറിച്ചും വാച്ചിനോടുള്ള ഇഷ്ടത്തെക്കുറിച്ചും പറയുകയാണ് നടൻ.
‘വാച്ച് എനിക്ക് ഒരുപാട് ഇഷ്ടമുള്ളതാണ്. ഇപ്പോൾ അതൊരു ഓർണമെന്റൽ ആയി മാറിയിരിക്കുകയാണ്. വാച്ചിനോട് എനിക്ക് വളരെ ഇഷ്ടമുള്ളതുകൊണ്ട് പലരും എനിക്ക് ഗിഫ്റ്റായിട്ടും വാച്ചുകൾ കൊണ്ട് തരാറുണ്ട്. ചിലപ്പോൾ നാളെ വാച്ച് കെട്ടാതെയും നടക്കാം.
ചിലർക്ക് ചില കാര്യങ്ങളോട് വളരെ ഇഷ്ടമുണ്ടാകുമല്ലോ… എനിക്കും അങ്ങനെ തന്നെയാണ്. ചില ആളുകൾക്ക് ആഭരണങ്ങളോടാകും ചിലർക്ക് അത് ഷർട്ടിനോടായിരിക്കും ഇഷ്ടം. പക്ഷെ, എനിക്ക് വാച്ചിനോടാണ് ഇഷ്ടം. ആരെക്കെയോ തന്ന വാച്ചുകളും എപ്പോഴൊക്കെയോ വാങ്ങിച്ച വാച്ചുകളുമാണ് എന്റെ കയ്യിലുള്ളത്.’- മോഹൻലാൽ പറഞ്ഞു.
ഇക്കഴിഞ്ഞ ദിവസങ്ങളിലും ഭാഗ്യ സുരേഷിന്റെ വിവാഹത്തിന് മോഹൻലാൽ ധരിച്ച വാച്ചിന്റെ വില ചർച്ചയായിരുന്നു. റോളക്സ് ബ്രാൻഡിന്റെ ജിഎംടി മാസ്റ്റർ വാച്ചാണ് മോഹൻലാൽ ധരിച്ചിരുന്നത്. ഗോൾഡ് നിറത്തിലുള്ള വാച്ചിന് 37, 67,733 രൂപയാണ് വില. വാച്ചിന്റെ വില കേട്ട് ആരാധകർ ഞെട്ടിയിരിക്കുകയാണ്. ഇതിൻ മുൻപ് നേര് സിനിമയുടെ പ്രമോഷന്റെ ഭാഗമായി മോഹൻലാൽ ധരിച്ചിരുന്ന വാച്ചുകളുടെ കളക്ഷനും ഏറെ ശ്രദ്ധ ആകർഷിച്ചതായിരുന്നു.
