ഉത്തരേന്ത്യയിൽ ഇപ്പോൾ കൊടും തണുപ്പാണ്. മനുഷ്യനായാലും മൃഗങ്ങളായാലും ഈ തണുപ്പ് സഹിക്കാനാകാതെ പല മാർഗങ്ങളും തേടുന്നു . മനുഷ്യർക്ക് ചൂടുള്ള വസ്ത്രങ്ങളും ഹീറ്ററുകളും ഉള്ളപ്പോൾ, തുറസ്സായ സ്ഥലത്ത് വിറയ്ക്കുന്ന മൃഗങ്ങളെയും കാണാനാകും . ഇതിൽ നിന്ന് രക്ഷപ്പെടാൻ നിരവധി മൃഗങ്ങൾ പല വീടുകളിലും പ്രവേശിക്കുന്നു. തണുപ്പിൽ നിന്ന് രക്ഷപെടാൻ പോലീസ് സ്റ്റേഷനിൽ അഭയം പ്രാപിച്ച കുരങ്ങനെ വീഡിയോയാണ് ഇപ്പോൾ പുറത്ത് വരുന്നത്.
കാൺപൂരിൽ നിന്നുള്ളതാണ് വീഡിയോ. ഇവിടെ തണുപ്പ് കൊണ്ട് വിറയ്ക്കുന്ന ഒരു കുരങ്ങൻ കമ്മീഷണറുടെ ഓഫീസിൽ കയറി ഹീറ്ററിന് മുന്നിൽ ഇരുന്നതിന്റെ ദൃശ്യങ്ങളാണ് വൈറലാകുന്നത് . അവിടെയുണ്ടായിരുന്ന എസ്ഐ അശോക് കുമാർ ഗുപ്ത കുരങ്ങിന്റെ പ്രശ്നം മനസ്സിലാക്കുകയും മനുഷ്യത്വം കാണിക്കുകയും ചെയ്തു . ഓഫീസിൽ കയറിയെങ്കിലും ബഹളം വയ്ക്കാനോ ,ആക്രമിക്കാനോ നിൽക്കാതെ , ഹീറ്ററിന് മുന്നിൽ വന്ന് ഇരിക്കുകയായിരുന്നു കുരങ്ങനെന്ന് അശോക് കുമാർ പറഞ്ഞു .
30 സെക്കൻഡ് ദൈർഘ്യമുള്ള വീഡിയോയിൽ, ഒരു സ്റ്റൂളിൽ ഒരു ഹീറ്റർ സ്ഥാപിച്ചിരിക്കുന്നത് കാണാം, അതിന് മുന്നിൽ കുരങ്ങൻ ഇരിക്കുന്നുണ്ട്. എസ്ഐ സമീപത്തിരുന്ന് കുരങ്ങിനെ തലോടുന്നുമുണ്ട്.