പാകിസ്താൻ ക്രിക്കറ്റ് ടീം മുൻ നായകൻ സർഫ്രാസ് അഹമ്മദ് നാടു വിടാനൊരുങ്ങുന്നു. യു.കെയിലേക്കാണ് താരം ചേക്കേറാൻ ഒരുങ്ങുന്നത്. കരിയർ മുന്നോട്ട് കൊണ്ടുപോകാനാണ് വിക്കറ്റ് കീപ്പർ ബാറ്റർ രാജ്യം വിടാനൊരുങ്ങുന്നത്. നിലവിൽ ദേശീയ ടീമിൽ നിന്ന് വലിയ അവഗണനയാണ് താരം നേരിടുന്നത്.
പാകിസ്താൻ സൂപ്പർ ലീഗിൽ ഗ്ലാഡിയേറ്റേഴ്സിന്റെ താരമാണെങ്കിലും ദേശീയ ടീമിൽ പതിവായി ബെഞ്ചിലിരിക്കാനാണ് മുൻ നായകന്റെ യോഗം. 36കാരൻ ഓസ്ട്രേലിയക്കെതിരെയുള്ള ടെസ്റ്റ് ടീമിൽ ഇടംപിടിച്ചെങ്കിലും. പെർത്തിലെ ആദ്യ ടെസ്റ്റിന് പിന്നാലെ ടീമിൽ നിന്ന് ഒഴിവാക്കപ്പെട്ടു. 7 റൺസായിരുന്നു സമ്പാദ്യം. ഒരു വർഷം മുൻപ് പാകിസ്താനിൽ നടന്ന ന്യൂസിലൻഡിൽ നടന്ന സീരിസിൽ താരം തിളങ്ങിയിരുന്നു.
4 ഇന്നിംഗ്സിൽ നിന്ന് 335 റൺസാണ് അന്ന് സർഫ്രാസ് നേടിയത്. ഒരു സെഞ്ച്വറിയും മൂന്ന് അർദ്ധശതകവുമടക്കമായിരുന്നു ഇത്. നേരത്തെ അവഗണനയിൽ മനംനൊന്ത് പേസർ മുഹമ്മദ് ആമിർ പാകിസ്താൻ വിട്ടിരുന്നു. താരത്തിന് ഇംഗ്ലണ്ട് പൗരത്വം ഉടനെ ലഭിക്കും. കാരണം താരത്തിന്റെ ഭാര്യ യൂറോപ്യൻ പൗരയാണ്.
