മലയാള സിനിമാ സീരിയൽ രംഗത്ത് ശ്രദ്ധേയയായ നടിയാണ് സ്വാസിക. താരത്തിന്റെ വിവാഹ വാർത്തകളാണ് ഇപ്പോൾ സോഷ്യൽ മീഡിയയിൽ നിറഞ്ഞു നിൽക്കുന്നത്. നടൻ പ്രേം ജേക്കബുമായുള്ള വിവാഹ വാർത്ത അടുത്തിടെയാണ് പുറത്തു വന്നത്. ഇപ്പോഴിതാ ഇരുവരുടെയും പ്രണയകഥ പങ്കുവക്കുകയാണ് താരം. ഒരു അഭിമുഖത്തിലാണ് താരം പ്രണയകഥ പങ്കുവച്ചത്.
ഞങ്ങൾ ആദ്യമായി കണ്ടത് മനംപോലെ മാംഗല്യം എന്ന സീരിയലിന്റെ ലൊക്കേഷനിൽ വെച്ചാണ്. ഞാൻ തന്നെയാണ് പ്രേമിനെ പ്രൊപ്പോസ് ചെയ്തതും. സീരിയലിന്റെ ചിത്രീകരണത്തിനിടെ ഒരു റൊമാന്റിക് സീൻ ഉണ്ടായിരുന്നു. അതിന്റെ ചിത്രീകരണ സമയത്ത് നമുക്ക് കല്യാണം കഴിച്ചാലോ എന്ന് ഞാൻ പ്രേമിനോട് ചോദിക്കുകയായിരുന്നു. എന്നാൽ പ്രേം അത് ശ്രദ്ധിച്ചിട്ടുണ്ടായിരുന്നില്ല. ഒരു ഞെട്ടലോടെ പ്രേം എന്താ പറഞ്ഞതെന്ന് ചോദിച്ചു. എന്നാൽ ഒരിക്കൽ കൂടി ഇഷ്ടമാണെന്ന് പറയാനുള്ള ധൈര്യം എനിക്ക് അപ്പോഴില്ലായിരുന്നു.
സീരിയലിന്റെ ആ ഷെഡ്യൂൾ കഴിഞ്ഞ് മടങ്ങുന്ന സമയത്ത് എനിക്ക് പ്രേം ഒരു മെസേജ് അയച്ചു. എന്റെ ജീവിതത്തിലേക്ക് കടന്നുവന്നതിന് ഒരുപാട് നന്ദി എന്നായിരുന്നു മെസേജ്. പിന്നീടുള്ള ഞങ്ങളുടെ പ്രണയദിനങ്ങൾ വളരെ മനോഹരമായിരുന്നു. ലൊക്കേഷനിൽ ആർക്കും അറിയാത്ത കുറേ റൊമാന്റിക് മുഹൂർത്തങ്ങൾ ഉണ്ടായിരുന്നു. മോണിട്ടറിൽ നോക്കുമ്പോൾ ആരും അറിയാതെ ഞങ്ങൾ കൈകൾ ചേർത്തുപിടിക്കുമായിരുന്നു.
പ്രേമിന്റെ ശബ്ദമാണ് എനിക്ക് ഒരുപാട് ഇഷ്ടപ്പെട്ടത്. ഞാൻ മനസിൽ സങ്കൽപ്പിച്ചതുപോലുള്ള മാൻലിയായ ശബ്ദമാണ് പ്രേമിന്റേതെന്നും സ്വാസിക പറയുന്നു. അതേസമയം സ്വാസിക വളരെ എക്സ്പ്രസീവാണെന്ന് പ്രേം പറയുന്നു. അത് ഒരാളോടുള്ള സ്നേഹമായാലും സന്തോഷമായാലും സങ്കടമായാലുമെല്ലാം. എന്നായിരുന്നു പ്രേമിന്റെ വാക്കുകൾ.
റിപ്പബ്ലിക് ഡേയിൽ തിരുവനന്തപുരത്ത് വെച്ചാണ് ഇരുവരുടെയും വിവാഹം. 27 ന് കൊച്ചിയിൽ സഹപ്രവർത്തകർക്കും സുഹൃത്തുക്കൾക്കുമായി വിരുന്നും സംഘടിപ്പിച്ചിട്ടുണ്ട്. വൈഗ എന്ന തമിഴ് സിനിമയിലൂടെ സ്വാസിക സിനിമാരംഗത്തെത്തിയ താരത്തിന് വാസന്തി എന്ന ചിത്രത്തിലെ അഭിനയത്തിന് സംസ്ഥാന പുരസ്കാരം ലഭിച്ചു. തിരുവന്തപുരം സ്വദേശിയായ പ്രേം തമിഴ് പരമ്പരകളിലും സജീവമാണ്.
