മലൈക്കോട്ടൈ വാലിബനിലെ കാസ്റ്റിംഗ് വളരെ ബ്രില്യന്റായിട്ടാണ് ലിജോ ജോസ് പെല്ലിശ്ശേരി ചെയ്തിരിക്കുന്നതെന്ന് മോഹൻലാൽ. മറാത്തി സിനിമയിൽ നിന്നാണ് സോനാലി കുൽക്കർണിയെ കാസ്റ്റ് ചെയ്തത്. സിനിമയിലെ സോനാലിയുടെ കഥാപാത്രത്തെക്കുറിച്ചും മോഹൻലാൽ വെളിപ്പെടുത്തുന്നുണ്ട്. ജനം ടിവിക്ക് നൽകിയ അഭിമുഖത്തിലായിരുന്നു മലൈക്കോട്ടൈ വാലിബനെക്കുറിച്ച് താരം വാചാലനായത്.
‘മലൈക്കോട്ടൈ വാലിബനിൽ നായിക നായകൻ എന്നൊക്കെയുള്ള കൺസപ്റ്റില്ല. ഈ സിനിമയിലെ എല്ലാ കഥാപാത്രങ്ങളെയും വളരെ ബ്രില്യന്റായിട്ടാണ് ലിജോ തെരഞ്ഞെടുത്തിരിക്കുന്നത്. നമുക്ക് പോലും അത്ഭുതം തോന്നുന്ന തരത്തിലായിരുന്നു കാസ്റ്റിംഗ്. സോനാലി കുൽക്കർണി നല്ലൊരു കാസ്റ്റിംഗായിരുന്നു. ഒരു നാടോടി നർത്തകിയായാണ് സിനിമയിൽ അവർ വരുന്നത്. രംഗ പട്ടണം എന്നൊരിടത്തു നിന്നും വരുന്ന നർത്തകിയായണ് അവരുടെ വേഷം. രംഗ റാണി എന്നാണ് സിനിമയിൽ അവരുടെ പേര്.
ഇവിടത്തെ നർത്തകരെ കൊണ്ട് അത് കഴിയില്ലെന്നാകാം അയാൾ ചിന്തിച്ചത്. സോനാലി അവരുടെ മറാത്തി സിനിമയിലൊക്കെ അവരുടെ പ്രത്യേക തരം നൃത്തമൊക്കെ ചെയ്തിട്ടുണ്ട്. അത് ലിജോ കണ്ടിട്ടാണ് ഈ സിനിമയിലേക്ക് അവരെ കാസ്റ്റ് ചെയ്തത്. മലൈക്കോട്ടൈ സിനിമയിലെ കാസ്റ്റിംഗിന് വളരെയധികം പ്രത്യേകതകളുണ്ട്. കാരണം സിനിമ കാണുമ്പോൾ നിങ്ങൾ കരുതും ഇവരല്ലെങ്കിൽ പിന്നെയാരാണ് ഈ കഥാപാത്രത്തിന് ഏറ്റവും ഉചിതമെന്ന്.’ മോഹൻലാൽ പറഞ്ഞു.