വാഷിംഗ്ടൺ: 75-ാമത് റിപ്പബ്ലിക് ദിനം ആഘോഷിക്കുന്ന ഭാരത ജനതയ്ക്ക് ആശംസകൾ നേർന്ന് യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കൻ. ഇരുരാജ്യങ്ങളിലേയും ജനങ്ങൾ തമ്മിലുള്ള ഊർജ്ജസ്വലമായ ബന്ധം ഇന്ത്യ- യുഎസ് ബന്ധത്തെ ദൃഢമാക്കുന്നുവെന്നും ആൻണി ബ്ലിങ്കൻ പറഞ്ഞു.
” 75-ാമത് റിപ്പബ്ലിക് ദിനം ആഘോഷിക്കുന്ന ഇന്ത്യയ്ക്ക് അഭിനന്ദനങ്ങൾ അറിയിക്കുന്നു. ജനങ്ങളാണ് രാജ്യത്തെ ശക്തി. ഊർജസ്വലരായ ജനങ്ങൾ ഇരു രാജ്യങ്ങൾ തമ്മിലുള്ള ബന്ധത്തെ ഊട്ടിയുറപ്പിക്കുന്നു”- ആന്റണി ബ്ലിങ്കൻ പറഞ്ഞു.
ഇന്ത്യയുമായുളള അമേരിക്കയുടെ ബന്ധം മറ്റു രാജ്യങ്ങളെക്കാൾ ദൃഢതയുള്ള ബന്ധമാണെന്ന് അമേരിക്കൻ പ്രസിഡന്റ് ജോ ബൈഡൻ വിശേഷിപ്പിച്ചിരുന്നതായും ആന്റണി ബ്ലിങ്കൻ അറിയിച്ചു. 75-ാമത് റിപ്പബ്ലിക് ദിനം ആഘോഷിക്കുന്ന ഇന്ത്യൻ ജനങ്ങൾക്ക് അമേരിക്കയുടെയും ഇവിടുത്തെ ജനങ്ങളുടെയും പേരിൽ ആശംസകൾ അറിയിക്കുന്നു. ജനാധിപത്യത്തിൽ ഊന്നൽ നൽകുന്ന ഇന്ത്യൻ ഭരണഘടന ഇതുപോലെ തന്നെ മുന്നോട്ടു പോകട്ടെയന്നും ഇരു രാജ്യങ്ങൾ തമ്മിലുള്ള നയതന്ത്ര ബന്ധം വരും വർഷങ്ങളിലും കൂടുതൽ ദൃഢമായി മുന്നോട്ടു പോകാൻ സാധിക്കട്ടെയെന്നും അദ്ദേഹം പറഞ്ഞു.