പത്മവിഭൂഷൺ ജേതാവായ ചിരഞ്ജീവിക്ക് ആശംസകളുമായി തെന്നിന്ത്യൻ താരങ്ങൾ; നന്ദി അറിയിച്ച് മെഗാസ്റ്റാർ

ഭാരതത്തിലെ രണ്ടാമത്തെ ഉയർന്ന സിവിലിയൻ ബഹുമതിയായ പത്മവിഭൂഷൺ സ്വന്തമാക്കിയിരിക്കുകയാണ് തെലുങ്ക് മെഗാസ്റ്റാർ ചിരഞ്ജീവി. കലാരംഗത്ത് നാൽപത് വർഷമായി അദ്ദേഹം നൽകിയ സംഭവനകൾ പരിഗണിച്ചായിരുന്നു അദ്ദേഹത്തിന് പത്മവിഭൂഷൺ നൽകി ആദരിച്ചത്. ഇന്നലെയാണ് സർക്കാർ പത്മ പുരസ്‌കാരങ്ങൾ പ്രഖ്യാപിച്ചത്. വാർത്ത പുറത്തുവന്നതോടെ മെഗാസ്റ്റാറിന് ആശംസകളുമായി തെന്നിന്ത്യൻ താരങ്ങളും എത്തിയിരിക്കുകയാണ്.

മമ്മൂട്ടി, ഖുശ്ബു, ജൂനിയർ എൻടിആർ തുടങ്ങി നിരവധി താരങ്ങളാണ് ചിരഞ്ജീവിക്ക് ആശംസകളുമായി എത്തിയിരിക്കുന്നത്. ‘പ്രിയപ്പെട്ട ചിരു ഭായ് പത്മവിഭൂഷൻ ലഭിച്ചതിന് അഭിനന്ദനങ്ങൾ’ എന്നായിരുന്നു മലയാളികളുടെ പ്രിയതാരം മമ്മൂട്ടി എക്‌സിൽ പങ്കുവച്ച കുറിപ്പ്.

Hearty congratulations to former Vice President of India Sri Venkaiah Naidu Garu and Mega Star Sri Chiranjeevi Garu for being awarded the prestigious Padma Vibhushan for their unparalleled contributions in their respective fields. Both of them have paved the path towards success… pic.twitter.com/zlfaoXdDIG

— N Chandrababu Naidu (@ncbn) January 26, 2024

‘പത്മവിഭൂഷൺ ജേതാക്കളായ ഇന്ത്യയുടെ മുൻ ഉപരാഷ്‌ട്രപതി വെങ്കയ്യ നായിഡുവിനും നടൻ ചിരഞ്ജീവിക്കും ആശംസകൾ. കൂടാതെ, പത്മ പുരസ്‌കാരങ്ങൾ നേടിയ എല്ലാവർക്കും അഭിനന്ദനങ്ങൾ. നിങ്ങളുടെ ഈ നേട്ടം വരും തലമുറകൾക്ക് പ്രചോദനമാകട്ടെ.’ എന്നായിരുന്നു നടൻ ജൂനിയർ എൻടിആർ പങ്കുവച്ച കുറിപ്പ്.

‘ബഹുമാനപ്പെട്ട ചിരഞ്ജീവി സാർ, പത്മവിഭൂഷൻ ലഭിച്ചതിന് അഭിനന്ദനങ്ങൾ. തീർച്ചയായും ഇത് നിങ്ങൾ അർഹിക്കുന്ന പുരസ്‌കാരമാണ്. സിനിമ, കലാലോകം, ജീവകാരുണ്യ പ്രവർത്തനങ്ങൾ എന്നീ മേഖലകളിലെല്ലാം നിങ്ങൾ നൽകിയ സംഭാവനകൾക്ക് ലഭിക്കുന്ന ബഹുമതിയാണ് ഇത്. ഒരു സുഹൃത്തെന്ന നിലയിലും, നിങ്ങളെ ഒരുപാട് ആരാധിക്കുകയും ബഹുമാനിക്കുകയും ചെയ്യുന്ന ഒരാളെന്ന നിലയിലും എനിക്ക് വളരെയധികം സന്തോഷവും അഭിമാനവുമുണ്ട് എന്നായിരുന്നു ദേശീയ വനിതാകമ്മീഷൻ അംഗവും നടിയുമായ ഖുശ്ബു എക്‌സിൽ കുറിച്ചത്.

Many congratulations to you, Sir @KChiruTweets Gaaru, on the honor bestowed upon you. You rightly deserve it. Your contribution to cinema, the world of art, your philanthropic lifestyle, your good work for the public and the blessings of your elders brings you this. As a friend,… https://t.co/DXKj4RgZw7

— KhushbuSundar (@khushsundar) January 26, 2024

തനിക്ക് ആശംസകൾ അറിയിച്ച എല്ലാവരോടും ചിരഞ്ജിവി നന്ദി അറിയിച്ചു. താരം സോഷ്യൽ മീഡിയയിൽ പങ്കുവച്ച കുറിപ്പിന് ചുവടെയും നിരവധി താരങ്ങൾ ആശംസകൾ അറിയിച്ചു. യുവതാരങ്ങളായ നാനി, വരുൺ തേജ തുടങ്ങിയവരും അദ്ദേഹത്തിന് ആശംസകളുമായി എത്തിയിരുന്നു.