മലയാള സിനിമയിൽ ഏറ്റവും കൂടുതൽ യാത്ര ചെയ്യുന്ന നടൻ പ്രണവ് മോഹൻലാൽ ആയിരിക്കാം. നടന്റെ യാത്രകളും ജീവിതരീയിയുമൊക്കെ അറിയാൻ പ്രേക്ഷകർക്ക് അതിയായ ആഗ്രഹമാണ്. നടന്റെ ഏറ്റവും പുതിയ ചിത്രമാണ് വർഷങ്ങൾക്കു ശേഷം. സിനിമയുടെ ചിത്രീകരണത്തിന് ശേഷം പ്രണവ് വീണ്ടും മറ്റൊരു യാത്രയ്ക്ക് പോയെന്ന് പറയുകയാണ് നടൻ ധ്യാൻ ശ്രീനിവാസൻ.
‘പ്രണവ് മറ്റൊരു ലോകത്തിലൂടെയാണ് ജീവിക്കുന്നത്. അവൻ ട്രാവലും കാര്യങ്ങളുമൊക്കയായിട്ടാണ് ജീവിക്കുന്നത്. രണ്ട് വർഷം കൂടുമ്പോഴാണ് ഒരു സിനിമ ചെയ്യുന്നത്. ട്രാവലും എഴുത്തും പാട്ടും ഒക്കെയായിട്ടാണ് പ്രണവ് പോകുന്നത്. വർഷങ്ങൾക്കു ശേഷം ഷൂട്ട് കഴിഞ്ഞതിന് ശേഷം വീണ്ടും അവനൊരു ട്രിപ്പിന് പോയിരിക്കുകയാണ്. 6,7 മാസങ്ങൾക്ക് കഴിയുമ്പോൾ വീണ്ടും തിരിച്ച് വരും. ഒരു പ്രത്യേക തരം ജീവിതമാണ്.
എനിക്ക് അറിയുന്നിടത്തോളം അവൻ വീട്ടിൽ നിന്നും കാശ് ഒന്നും വാങ്ങാതെ സ്വന്തം കാശിനാണ് യാത്ര ചെയ്യുന്നത്. ആരെയും ഡിപ്പൻഡ് ചെയ്യുന്നില്ല. ജോലി ചെയ്യുന്നു ആ കാശ് കൊണ്ട് യാത്ര ചെയ്യുന്നു. അതും വളരെ മിനിമലായിട്ട് ലോ കോസ്റ്റിലാണ് അവന്റെ യാത്രകളൊക്കെയും. ജനറൽ കമ്പാർട്ട് മെന്റിലും, ചെറിയ സ്ഥലത്തൊക്കെ താമസിച്ചാണ് അവന്റെ യാത്ര.’- ധ്യാൻ പറഞ്ഞു.
