അല്ലു അർജുന് ദേശീയ അവാർഡ് നേടി കൊടുത്ത ചിത്രമാണ് പുഷ്പ. അല്ലു അർജുനും രശ്മിക മന്ദാനയും തകർത്തഭിനയിച്ച ചിത്രത്തിന് നിരവധി ആരാധകരാണ് രാജ്യമെമ്പാടുമുള്ളത്. ചിത്രത്തിന്റെ രണ്ടാം ഭാഗത്തിനായി ആരാധകർ ഒന്നടങ്കം കാത്തിരിക്കുകയാണ്. ഇപ്പോഴിതാ ചിത്രത്തിന്റെ ഒരു പുതിയ അപ്ഡേറ്റ് പുറത്തുവിട്ടിരിക്കുകയാണ് അണിയറ പ്രവർത്തകർ.
200 DAYS for Pushpa Raj to begin his RULE 🔥🔥#Pushpa2TheRule Grand Release Worldwide on 15th AUG 2024 ❤🔥#PushpaKaRuleIn200Days 💥💥
Icon Star @alluarjun @iamRashmika #FahadhFaasil @aryasukku @ThisIsDSP @SukumarWritings @TSeries pic.twitter.com/RxUDlkdrpB
— Mythri Movie Makers (@MythriOfficial) January 29, 2024
ചിത്രത്തിന്റെ റിലീസിന് ഇനി 200 ദിനങ്ങൾ മാത്രം എന്ന് അറിയിച്ചുകൊണ്ടുള്ള പോസ്റ്ററാണ് അണിയറ പ്രവർത്തകർ പങ്കുവച്ചിരിക്കുന്നത്. ആഗസ്റ്റ് 15 നാണ് പുഷ്പ 2 തീയേറ്ററുകളിൽ എത്തുന്നത്. നിലവിൽ സിനിമയുടെ ചിത്രീകരണം പുരോഗമിച്ചുകൊണ്ടിരിക്കുകയാണ്. ചിത്രീകരണം അവസാനഘട്ടത്തിലാണെന്നും റിപ്പോർട്ടുകളുണ്ട്.
സുകുമാർ സംവിധാനം ചെയ്യുന്ന ചിത്രം ഏറെ പ്രതീക്ഷയോടെയാണ് എത്തുന്നത്. ചിത്രത്തിൽ വില്ലനായാണ് ഫഹദ് ഫാസിലിന്റെ വരവ്. ശരീരഭാഷയിലും പെരുമാറ്റത്തിലും ഇതുവരെ കാണാതിരുന്ന പുത്തൻ ആവിഷ്കാരവുമായാണ് അല്ലു അർജുൻ പുഷ്പയിലെത്തിയത്. പുഷ്പ 2 നിർമ്മിക്കുന്നത് മൈത്രി മൂവി മേക്കേഴ്സാണ്. ചിത്രത്തിന്റെ സംഗീതസംവിധാനം നിർവഹിക്കുന്നത് ദേവിശ്രീപ്രസാദാണ്.