ഫ്രാൻസ് ദേശീയ ഫുട്ബോൾ ടീം നായകൻ കിലിയൻ എംബാപ്പെ പിഎസ്ജി വിടാനൊരുങ്ങുന്നു. സ്പാനിഷ് ക്ലബ്ബ് റയൽ മാഡ്രിഡുമായി ഈ സീസൺ അവസാനിക്കുന്നതോടെ താരം കരാറിൽ ഒപ്പിടുമെന്നാണ് ഫ്രഞ്ച് മാദ്ധ്യമങ്ങൾ റിപ്പോർട്ട് ചെയ്യുന്നത്. പിഎസ്ജിയുമായുള്ള കരാർ അവസാനിക്കുന്ന സാഹചര്യത്തിലാണിത്. കഴിഞ്ഞ കുറച്ച് നാളുകളായി എംബാപ്പെ റയലിലേക്ക് പോയേക്കുമെന്ന അഭ്യൂഹങ്ങളുണ്ടായിരുന്നു.
പിഎസ്ജിയുമായുള്ള കരാർ പുതുക്കില്ലെന്ന് കഴിഞ്ഞ വർഷം താരം വ്യക്തമാക്കിയിരുന്നു. കരാർ അവസാനിക്കുന്നതോടെ ഫ്രീ ഏജന്റായി ക്ലബ്ബ് വിടാനും മറ്റു ക്ലബുകളുമായി കരാറിൽ ഏർപ്പെടാനും എംബാപ്പെയ്ക്ക് സാധിക്കും. എന്നാൽ ഇക്കാര്യത്തിൽ ഔദ്യോഗിക സ്ഥിരീകരണം വന്നിട്ടില്ല. ഫ്രഞ്ച് മാദ്ധ്യമമായ Le Parisien Dw ESPN റിപ്പോർട്ടനുസരിച്ച് റയൽ മാഡ്രിഡുമായി താരം ഉടൻ തന്നെ കരാറിൽ ഏർപ്പെടും. 2017-ൽ മൊണാക്കോയിൽ നിന്ന് 180 മില്യൺ യൂറോ നൽകിയാണ് എംബാപ്പയെ പിഎസ്ജി സ്വന്തമാക്കിയത്.
അതിനിടെ എംബാപ്പെയ്ക്ക് പകരക്കാരനായി മാഞ്ചസ്റ്റർ യുണൈറ്റഡ് താരം മാർകസ് റാഷ്ഫോർഡിനെ ടീമിൽ എത്തിക്കുന്നതിനായുള്ള ശ്രമങ്ങൾ പിഎസ്ജി ആരംഭിച്ചതായും റിപ്പോർട്ടുകളുണ്ട്.