ഇന്ദ്രജിത്ത് നായകനാകുന്ന ഏറ്റവും പുതിയ ചിത്രമാണ് മാരിവില്ലിൻ ഗോപുരങ്ങൾ. നവാഗതനായ അരുൺബോസ് സംവിധാനം ചെയ്യുന്ന ചിത്രത്തിൽ ശ്രുതി രാമചന്ദ്രൻ, സർജാനോ ഖാലിദ്, വിൻസി അലോഷ്യസ് എന്നിവരും പ്രധാന വേഷത്തിൽ എത്തുന്നത്. തീർത്തുമൊരു ഫാമിലി എന്റർടെയിനറായ ചിത്രം റിലീസിനൊരുങ്ങുന്നു എന്ന വാർത്തയാണ് ഇപ്പോൾ പുറത്തുവരുന്നത്.
ചിത്രം ഫെബ്രുവരി 16 ന് തീയേറ്ററുകളിലെത്തും. കോക്കേഴ്‌സ് മീഡിയ എന്റർടെയ്ൻമെന്റ്‌സ് നിർമ്മിക്കുന്ന ചിത്രത്തിന്റെ റിലീസ് നവംബറിലാണ് പ്രഖ്യാപിച്ചിരുന്നത്. എന്നാൽ ചില സാങ്കേതിക കാരണങ്ങളാൽ നീണ്ടുപോവുകയായിരുന്നു. ഇതിനോടകം പുറത്തുവന്ന ചിത്രത്തിന്റ ടീസർ ശ്രദ്ധ നേടിയിരുന്നു. യുവതലമുറ നേരിടുന്ന പ്രശ്‌നങ്ങളിലൂടെയാണ് ചിത്രത്തിത്തിന്റെ കഥാഗതി.
View this post on Instagram
ലൂക്ക, മിണ്ടിയും പറഞ്ഞും എന്നീ ചിത്രങ്ങൾക്ക് ശേഷം അരുൺ ബോസ് സംവിധാനം ചെയ്യുന്ന ചിത്രത്തിന്റെ കഥ ഒരുക്കിയിരിക്കുന്നത് സംവിധായകനും, പ്രമോദ് മോഹനും ചേർന്നാണ്. വിദ്യാസഗറാണ് ചിത്രത്തിന്റെ സംഗീത സംവിധായകൻ. വസിഷ്ട് ഉമേഷ്, ജോണി ആന്റണി, സലീം കുമാർ, വിഷ്ണു ഗോവിന്ദ് തുടങ്ങിയവരും സിനിമയിലെ മറ്റ് പ്രധാന കഥാപാത്രങ്ങളാണ്.
