പ്രാണപ്രതിഷ്ഠാ ചടങ്ങുകൾക്ക് ശേഷം ശ്രീരാമ ജന്മഭൂമിയിലേക്ക് ഭക്തജനങ്ങൾ ഒഴുകിയെത്തുകയാണ്. ശ്രീരാമചന്ദ്രനെ ദർശിക്കാനായി എത്തുന്ന രാമഭക്തന്മാരുടെ ഭജനകളാൽ മുഖരിതമാണ് അയോദ്ധ്യ. പരിപാവന ഭൂമിയിലേക്ക് എത്തുന്നതിനായി വിവിധ സംസ്ഥാനങ്ങളിൽ നിന്നും ആസ്താ സ്പെഷ്യൽ ട്രെയിനുകളും വിമാനങ്ങളടക്കമുള്ള സൗകര്യങ്ങളാണ് കേന്ദ്രസർക്കാർ ഒരുക്കിയിരിക്കുന്നത്. അത്തരത്തിൽ ഇൻഡിഗോ വിമാനത്തിൽ നിന്നുള്ള ശ്രീരാമ ഭക്തരുടെ ദൃശ്യങ്ങളാണ് ഇപ്പോൾ സമൂഹ മാദ്ധ്യമങ്ങളിൽ ഇടംപിടിച്ചിരിക്കുന്നത്.
അയോദ്ധ്യയിലേക്കുള്ള യാത്രമധ്യേ ഒരു കൂട്ടം ഭക്തജനങ്ങൾ ഇൻഡിഗോ വിമാനത്തിലിരുന്ന് ഭക്തിഗാനങ്ങൾ ആലപിക്കുന്നതിന്റെ ദൃശ്യങ്ങളാണ് വൈറലായിരിക്കുന്നത്. കൊട്ടും വാദ്യവും താളവുമായി രാമ ഭജനകൾ ആലപിക്കുന്ന ഭക്തജനങ്ങൾ രഘുപതി രാഘവ രാജാ റാം പാടിയാണ് അവസാനം രാമനഗരിയിൽ ചെന്നിറങ്ങിയത്.
Blessing your timeline with “Mid Air” bhajans on Indigo ✈️ pic.twitter.com/UlK78soiGI
— Champak Bhoomia (@CBhoomia) February 6, 2024
അയോദ്ധ്യയിലെത്തുന്ന രാമഭക്തരുടെ യാത്രകൾ സുഗമമാക്കുന്നതിന് മഹർഷി വാത്മീകി അന്താരാഷ്ട്ര വിമാനത്താവളം വളരെയധികം പങ്കുവഹിക്കുന്നു. 6,500 ചതുരശ്ര മീറ്റർ വിസ്തൃതിയിലാണ് വിമാനത്താവളത്തിന്റെ ടെർമിനൽ കെട്ടിടം നിർമ്മിച്ചിരിക്കുന്നത്. പ്രതിവർഷം 10 ലക്ഷം യാത്രക്കാർക്ക് സേവനം നൽകുന്നതിന് സജ്ജമാണ് ഈ വിമാനത്താവളം.