ഇന്ത്യൻ ക്രിക്കറ്റ് ടീം മഹേന്ദ്ര സിംഗ് ധോണിയുടെ പരിശീലനത്തിന്റെ ചിത്രങ്ങൾ അടുത്തിടെ സോഷ്യൽ മീഡിയയിൽ വൈറലായിരുന്നു. അതിന് പിന്നിലൊരു കാരണവുമുണ്ട്. താരം ബാറ്റിൽ പതിച്ചിരിക്കുന്ന സ്റ്റിക്കറായിരുന്നു വൈറലൽ ചിത്രത്തിന് പിന്നിലെ രഹസ്യം. പ്രൈം സ്പോർട്സ് എന്ന സ്റ്റിക്കറാണ് ധോണി ബാറ്റിൽ പതിച്ചിരിക്കുന്നത്.
റാഞ്ചിയിലെ തന്റെ ഉറ്റ സുഹൃത്തിന്റെ കടയുടെ പേരാണ് ഇത്. താരത്തിന്റെ കരിയറിന്റെ തുടക്ക നാളുകളിൽ ബാറ്റടക്കം സ്പോൺസർ ചെയ്തത് പരംജിത് സിംഗ് എന്ന ചോട്ടുവാണ്. താരത്തിന്റെ കരിയറിൽ വലിയ സ്വാധീനം ഉണ്ടാക്കിയതും ചോട്ടുവാണ്. ഇക്കാര്യങ്ങൾ ധോണിയുടെ ബയോപിക്കായ എം.എസ് ധോണി ദി അൺടോൾഡ് സ്റ്റോറി എന്ന ചിത്രത്തിലും കാണിക്കുന്നുണ്ട്.
തന്റെ ആത്മസുഹൃത്തിനുള്ള ആദരവ് എന്ന നിലയ്ക്കാണ് താരം ബാറ്റിൽ സ്റ്റിക്കർ പതിച്ചതെന്നാണ് വിലയിരുത്തൽ. 2016ൽ മെക്ഡൗല്സിന്റെ ടെലിവിഷൻ പരസ്യത്തിൽ സുഹൃത്തിനൊപ്പം ധോണിയുമെത്തിയിരുന്നു. ഇപ്പോൾ ബാറ്റിൽ സ്റ്റിക്കർ പതിച്ചതിൽ ചോട്ടു പ്രതികരണം നടത്തിയിട്ടുണ്ട്. വലിയ അഭിമാനം തോന്നുന്നു. എം.എസ് എപ്പോഴും ഞങ്ങൾക്കൊപ്പമുണ്ടായിട്ടുണ്ട്. അതാണ് ഞങ്ങളുടെ സൗഹൃദം. അവൻ എനിക്ക് സൈൻ ചെയ്ത ബാറ്റ് നൽകിയിട്ടുണ്ട്– സ്പോർട്സ് ടാക്കിനോട് പരംജീത്ത് പറഞ്ഞു.
MS Dhoni’s childhood friend said, “I’m feeling very proud, MS has always been there with us, that’s our friendship, he’s given me his signed bat”. pic.twitter.com/XEsnqJcZER
— Mufaddal Vohra (@mufaddal_vohra) February 13, 2024
“>