കൊല്ലം: സംസ്ഥാനത്ത് വീണ്ടും പോലീസ് ആത്മഹത്യ. ചാത്തന്നൂർ സ്റ്റേഷനിലെ സീനിയർ സിവിൽ പോലീസ് ഓഫീസർ ഷാഹുൽ ഹമീദ് (51) ആണ് മരിച്ചത്. കണ്ണനല്ലൂർ ചേരിക്കോണം സ്വദേശിയാണ് ഷാഹുൽ ഹമീദ്. സംഭവത്തിന്റെ മറ്റ് വിവിരങ്ങൾ പുറത്തുവന്നിട്ടില്ല.
കഴിഞ്ഞ അഞ്ച് വർഷത്തിനിടെ സംസ്ഥാനത്ത് 69 പോലീസ് ഉദ്യോഗസ്ഥർ ആത്മഹത്യ ചെയ്തതായാണ് കണക്കുകൾ. ഇതിൽ 32 പേർ സിവിൽ പോലീസ് ഉദ്യോഗസ്ഥരാണ്. ജോലി സമ്മർദ്ദത്തോടൊപ്പം കുടുംബ പ്രശ്നങ്ങളും ആത്മഹത്യയ്ക്ക് കാരണമാകുന്നുണ്ടെന്നാണ് വിവരം.
അതേസമയം പോലീസ് ഉദ്യോഗസ്ഥരുടെ ആത്മഹത്യ കൂടി വരുന്ന സാഹചര്യത്തിൽ കൗൺസിലിംഗ് പദ്ധതി തയ്യാറാക്കിയിരുന്നു. എന്നാൽ പദ്ധതി നടപ്പിലാക്കാൻ പണമില്ലാത്തതിനാൽ ഉപേക്ഷിച്ച മട്ടാണ്.
