ഇൻ്റർനെറ്റ് ലോകത്ത് വിചിത്രമായ കാര്യങ്ങൾ ചെയ്ത് സ്വയം പ്രശസ്തരാകാൻ ശ്രമിക്കുന്ന നിരവധി പേരുടെ വീഡിയോകൾ പലപ്പോഴും നമുക്ക് കാണാനാകും. അത്തരത്തിലുള്ള ഒരു വീഡിയോയാണ് ഇപ്പോൾ ചർച്ചയാകുന്നത്. ഇന്നത്തെ കാലത്ത് ആളുകൾ വ്യത്യസ്ത രീതികളിൽ മുടി സ്റ്റൈലിംഗ് ചെയ്യുന്നു. ഇപ്പോൾ പുറത്തുവന്നിരിക്കുന്ന ഈ വീഡിയോയിൽ ഒരാൾ തന്റെ മുടിയിൽ അക്വേറിയം ഉണ്ടാക്കി വൈറലാകാൻ ശ്രമിക്കുകയാണ് .
ഒരു സലൂണിൽ യുവതി കസേരയിൽ ഇരുന്ന് ഫോണിൽ കളിക്കുന്നതാണ് വീഡിയോയിൽ കാണുന്നത്. ഈ സമയം, സലൂണിലെ രണ്ട് ഹെയർ ആർട്ടിസ്റ്റുകൾ സ്ത്രീയുടെ മുടിയിൽ ജെല്ലി പുരട്ടി ഒരു പാത്രത്തിന്റെ ആകൃതി നൽകുന്നു. മാത്രമല്ല, അവർ അത് ഉണക്കി, എന്നിട്ട് വെള്ളം ചേർത്ത് അതിൽ കുറച്ച് സ്വർണ്ണ നിറമുള്ള ചെറു മത്സ്യങ്ങളെ വിടുന്നു. ഇതാണ് വീഡിയോ . ഈ സമയം, യുവതി ഫോണിലേക്ക് നോക്കി സന്തോഷത്തോടെ പുഞ്ചിരിക്കുന്നു. ഈ വീഡിയോയ്ക്ക് താഴെ നിരവധി പേരാണ് കമൻ്റ് ചെയ്തിരിക്കുന്നത് .
