ഝാർഖണ്ഡിലെ ഏക കനലും കെട്ടു..! കോൺഗ്രസ് എം.പി ഗീത കോഡ ബി.ജെ.പിയിൽ

റാഞ്ചി: ഝാർഖണ്ഡിൽ കോൺ​ഗ്രസിന് ആശ്വാസമായിരുന്ന ഏക എംപിയും പാർട്ടി വിട്ടു. ഝാർഖണ്ഡ‍് മുൻ പിസിസി അദ്ധ്യക്ഷയും മുൻ മുഖ്യമന്ത്രി മധു കോഡയുടെ ഭാര്യയുമായ ​ഗീത കോഡയാണ് ബിജെപി അം​ഗത്വം സ്വീകരിച്ചത്. റാഞ്ചിയിലെ ബിജെപി ആസ്ഥാനത്തെത്തി സംസ്ഥാന അദ്ധ്യക്ഷൻ ബാബുലാൽ മറാണ്ടിയുടെ സാന്നിദ്ധ്യത്തിലാണ് അം​ഗത്വമെടുത്തത്.

പ്രധാനമന്ത്രി നരേന്ദ്ര മോദിയുടെ പ്രവർത്തന ശൈലിയിൽ മതിപ്പുണ്ടെന്ന് പറഞ്ഞ ഗീത, വികസിത ഇന്ത്യ എന്ന ലക്ഷ്യം ബി.ജെ.പിയുടെ നേതൃത്വത്തിൽ മാത്രമേ നിറവേറൂയെന്നും പറഞ്ഞു.

കോൺഗ്രസിന്‍റേത് പ്രീണന രാഷ്‌ട്രീയമാണെന്നും കോൺ​ഗ്രസ് പാർട്ടി സ്വന്തം കുടുംബത്തെ മാത്രമേ പരി​ഗണിക്കുന്നുള്ളൂവെന്നും അവർ തുറന്നടിച്ചു. ഇൻഡി സഖ്യത്തിന് പിന്നാലെ അവർ പലപ്പോഴും നീരസം പ്രകടമാക്കിയിരുന്നു. പ്രതിപക്ഷ നേതാവ് അമർ ബൗരി ഗീതാ കോഡയെ ബിജെപിയിലേക്ക് സ്വാഗതം ചെയ്തു.ലോക്സഭ തിരഞ്ഞെടുപ്പ് അടുത്തിരിക്കെ വലിയൊരു തിരിച്ചടിയാണ് കോൺഗ്രസിന് ഗീതയുടെ നീക്കം നൽകുന്നത്.

#WATCH | Ranchi, Jharkhand | Geeta Koda – Congress MP from Singhbhum and wife of former CM Madhu Koda – joins the BJP in the presence of state BJP chief Babulal Marandi. pic.twitter.com/q1wP0cejdS

— ANI (@ANI) February 26, 2024

“>